Oblys ákimi osy iske qatysty joǵary shendi sheneýnikter jumystan qýylǵanyn málimdedi.
"Saryaǵash aýdandyq Jergilikti polısııa qyzmetiniń basshysy Berdaly Orazgeldıev qyzmetinen bosatyldy. IID basshysynyń buıryǵymen mektep ınspektory Narıman Jumabaev qyzmetinen bosatyldy. Oblys ákiminiń orynbasary Ulasbek Sádibekovke qatań eskertý jasaldy. Saryaǵash aýdanynyń ákimine qatań sógis jarııalandy. Oblystyq bilim bóliminiń basshysy Isataı Saǵyndyqovqa sógis jarııalandy", - dedi oblys ákimi.
«Aýdandaǵy jaǵdaıdy der kezinde nazarǵa alyp, tıisti shara qabyldamaǵan aýdan ákimi Qaırat Ábdýálıevke qatań sógis jarııalaımyn. Budan bólek, sol salaǵa jaýapty aýdan ákiminiń orynbasary Qudiret Qystaýbaevqa shara qoldanýdy jáne Saryaǵash aýdandyq bilim bóliminiń basshysy Baýyrjan Maırıhov pen №73, №74 jalpy orta mektep dırektorlaryn tergeý amaldary aıaqtalǵansha jumystan shettetýdi tapsyramyn», - dedi Janseıit Túımebaev.
Sondaı-aq ákim atalǵan másele boıynsha eksperttik komıssııa aýdanda jáne oblysta eki ret medısınalyq tekserýler júrgizip, qorytyndy boıynsha balanyń zorlanǵandyǵy rastalmaǵanyn málim etti.
Jıyn barysynda óńir basshysy aldaǵy ýaqytta bul másele qatań baqylaýǵa alynyp, óńirdegi barlyq bilim mekemelerinde profılaktıkalyq jumystar júrgiziletinin aıtty.
