Senattyń Qarjy jáne bıýdjet komıtetiniń tóraǵasy Olga Perepechına sharany asha kelip, 2018-2020 jyldarǵa arnalǵan respýblıkalyq bıýdjetpen birge «2018-2020 jyldarǵa arnalǵan respýblıkalyq bıýdjet týraly» zań jobasyn baǵalaý jónindegi qorytyndy» Parlament qaraýyna ótken jylǵy kúzde alǵash ret túskenin atap ótti.
O.Perepechına elimizdiń 2015 jylǵy 12 qarashadaǵy «Memlekettik aýdıt jáne qarjylyq baqylaý týraly» zańyna sáıkes, Esep komıteti joǵary baqylaý organy bolǵandyqtan respýblıkalyq bıýdjet jobasyndaǵy shyǵystardyń negizgi baǵyttary boıynsha aldyn ala baǵalaý jumystaryn júzege asyratynyn eske saldy.
Senator sondaı-aq Esep komıtetiniń aldyn ala baǵalaý jumystarynyń artyqshylyqtary bıýdjet qarjysynyń tıimsiz jumsalýyn eskertý nemese qarjy shyǵyndaryn azaıtý múmkindigi bolatynyn atap ótti.
Respýblıkalyq bıýdjettiń atqarylýyn baqylaý jónindegi esep komıtetiniń múshesi Konstantın Plotnıkov bıýdjet jobasynyń aldyn ala baǵalaý júrgizý úderisterin jetildirý týraly aıtty.
K. Plotnıkov Úkimettiń maquldaýyna deıin bıýdjet jobasyna aldyn ala baǵalaý nátıjeleriniń bolýy bıýdjetti josparlaý satysynda memleket qarjysyn basqarý jónindegi qabyldanatyn sheshimderdiń tıimdiligin arttyrady jáne jobany Esep komıtetiniń usynystaryn eskere otyryp úılestirýge múmkindik beretinin atap ótti.
Dóńgelek ústel otyrysynda qarjy mınıstriniń orynbasary Tatıana Saveleva bıýdjetti aldyn ala baǵalaý bıýdjet shyǵystaryn anyqtaıtyn mańyzdy ári qajetti qural ǵana emes, odan da keń aýqymda – strategııalyq jáne bıýdjetti josparlaýdy úılestiretin ári jetildiretin qural bolyp tabylatynyn atap ótti. Sonymen birge mınıstrdiń orynbasary baǵalaý birqatar ózekti máselelerdi, sondaı-aq olardyń týyndaý sebepterin de anyqtaǵanyn atap ótti.
Ulttyq ekonomıka mınıstriniń orynbasary Rýslan Dálenov Esep komıtetiniń respýblıkalyq bıýdjettiń jobasy boıynsha aldyn ala baǵalaý júrgizýi jónindegi Ulttyq ekonomıka mınıstrliginiń ustanymdary týraly habardar etti. Ol baǵalaý aıasynda bıýdjettiń shyǵys bóligin kóbirek qaraýdy jáne ony elimizdiń áleýmettik-ekonomıkalyq damý basymdyqtaryna sáıkes baǵalaý jónindegi usynystaryn aıtty.
Aýyl sharýashylyǵy mınıstrliginiń jaýapty hatshysy Ermek Kósherbaev bıýdjet jobasyn aldyn ala baǵalaý nátıjeleri men ony júrgizý ádistemesin odan ári jetildirý jónindegi mınıstrliktiń usynystary týraly aıtty.
Dóńgelek ústel otyrysynyń qorytyndysy boıynsha usynystar qabyldandy jáne olardy júzege asyrý úshin memlekettik organdarǵa jiberiletin boldy.
