Aýmaqty ǵaryshtyq jáne navıgasııalyq baqylaý tehnologııalarynyń kómegimen qashyqtyqtan monıtorıng júrgizý aımaq ekonomıkasynyń birqatar salalarynyń damýyna aıtarlyqtaı úles qospaq.
«Bul jobalardyń bolashaǵy zor, sondyqtan biz olardy qolǵa alýǵa múddelimiz. Osy oraıda Qyzylorda oblysynda áriptestik ornatýǵa jaǵdaı jasaldy, óıtkeni bizde Qazaqstandaǵy tuńǵysh sıtýasııalyq ortalyq jumys istep tur. Sondaı-aq, Tatarstan jáne Qytaı elderindegi «aqyldy qala» qurý tájirıbeleri zerttelip, birlesken jobalardy júzege asyrý jóninde kelisimderge qol qoıyldy, matematıkalyq jáne IT-mamandyqtar boıynsha kadrlardy daıyndaý baǵdarlamasy iske asyrylýda», - dedi oblys ákimi Q.Kósherbaev.
О́z kezeginde, Aıdyn Aıymbetov aımaqtyń qarqyndy damý ústinde ekenin jáne oń ózgerister kóp ekenin atap ótti.
«Osy jobany tanystyrýǵa jáne áriptestik ornatýǵa nıetterińiz úshin rahmet. О́z tarapymyzdan, biz Qyzylorda oblysyn ári qaraı damytý úshin qoldaý kórsetýge ázirmiz», - dedi Aıdyn Aıymbetov.
«Qazaqstan Ǵarysh Sapary» kompanııasy qyzmetkerleriniń aıtýynsha, jerdi qashyqtyqtan zondtaý derekterin óz betimen ıelengen jer telimderin anyqtaý; jerdi aımaqtarǵa bólý jobasyn jasaýdy uıymdastyrý boıynsha kómektesý; qatty turmystyq qaldyqtardyń monıtorıngi; kóp jyldyq kóshetterdiń monıtorıngi; jer qoınaýyn paıdalanýshylardyń lısenzııalyq ýchaskeleriniń monıtorıngi; aýyl sharýashylyq óndiris monıtorıngi; tabıǵı resýrstar monıtorıngi jáne jaǵdaıyn baǵalaý; sý tasqandary jaǵdaıynyń monıtorıngi, qar qoryn baǵalaý jáne t.b., oblystyń jerlerdi tıimdi qoldaný boıynsha baǵdarlamalar, jobalar jáne shemalardy júzege asyrýǵa kómektesý úshin qoldanýǵa bolady.
Prezentasııa qorytyndysymen oblys ákimi jaýapty tulǵalarǵa tanystyrylǵan jobalardy aımaqta eńgizý maqsatynda qajetti sharalardy qolǵa alýdy jáne tıimdi áriptestik salalaryn anyqtaýdy tapsyrdy.
