Memlekettik qyzmetshiler úshin taptyrmas qural bolyp sanalatyn nusqaýlyqty saltanatty túrde tabystaý is-sharasyna Memlekettik qyzmet isteri jáne sybaılas jemqorlyqqa qarsy is-qımyl agenttiginiń Shyǵys Qazaqstan oblysy boıynsha departamentiniń bas mamany Ǵalymjan Isımbekov, memlekettik qyzmetshiniń ádebi jónindegi ýákiletti tulǵa Erlan Áýbákirov jáne «Nur Otan» partııasynyń Semeı qalalyq fılıaly qoǵamdyq qabyldaý bóliminiń meńgerýshisi Darhan Jumadilov.
– Búginde Prezıdent Nursultan Nazarbaevtyń tikeleı tapsyrmasymen sybaılas jemqorlyqqa qarsy kúres baǵdarlamasy Semeıde keshendi túrde qolǵa alynyp otyr, – dedi qala ákimdigi ishki saıasat bóliminiń basshysy Aıdar Sadyrbaev, – nusqaýlyq der kezinde ázirlengen qujat. Munda jumys barysyndaǵy sóz ádebinen bastap, tipti áleýmettik jelilerde ózin-ózi ustaýǵa deıingi mańyzdy dúnıelerdiń barlyǵy qamtylypty. Parasattylyq mádenıeti ne degen saýalǵa da jaýapty osydan tabýǵa bolady. Memlekettik qyzmette bolatyn túrli jaǵdaılarda durys sheshim qabyldap, adal da abyroıly qyzmet atqarý úshin osyndaı naqty nusqaýlyqtardyń bolýy biz úshin asa qajet.
Raýshan NUǴMANBEK,
jýrnalıst
Semeı
