Tusaýkeserge Shyǵys Qazaqstan oblysy kúsh qurylymdarynyń basshylary, О́skemen qalasy ákimdiginiń ókilderi, respýblıkalyq, aımaqtyq BAQ jetekshileri, din ókilderi men qoǵam qaıratkerleri shaqyryldy. Jańa týyndy naýryz aıynyń 15-nen bastap elimizdiń barlyq kınotetarlarynda kórsetiletin bolady.
Bul Ulttyq ulannyń 2017-2019 jyldarǵa arnalǵan arnaıy ımıdjdik baǵdarlamasyn oryndaý aıasynda Qazaqstan Respýblıkasynyń Aqparat jáne kommýnıkasııalar mınıstrliginiń tapsyrysy boıynsha qazaqstandyq «AIý SINEMA» kınokompanııasy «Habar» agenttigimen birlesip jasaǵan týyndy. Osy rette Qazaqstan Respýblıkasy Ulttyq ulanynyń jaýyngerlik qyzmeti týraly «Altynshy beket» atty tolyq metrajdy kórkem fılmmen qosa teleserıal túsirilgenin de atap ótý kerek.
«Bul bizdiń jaýyngerlerimizdiń erlikteri men qaısarlyǵy jalpy, Qazaqstan Respýblıkasynyń Ulttyq ulany jaıly túsirilgen tuńǵysh fılm. Sol sebepti bul keshtiń biz úshin mańyzy zor. Bular - búgingi kúnniń batyrlary. Sondyqtan, fılmmniń tusaýkeserine kelgenderińize alǵysymdy bildiremin», - dedi kórsetilim aldynda sóz alǵan Ulttyq ulan «Shyǵys» óńirlik qolbasshylyǵynyń qolbasshysy, general-maıor Talapker Qydyruly Amrıev.
2010 jylǵy 22 maýsymda Aqtaý qalasyndaǵy qatań tártiptegi kolonııadan qashpaq bolǵan 21 jazasyn óteýshige jalǵyz ózi tótep berip, janqııarlyq erlik kórsetken Ulttyq ulan jaýyngeri Erbol Otarbaev osynaý fılm sıýjetiniń jelisine arqaý bolǵan.
Osy erligi úshin Erbol Memleket basshysynyń Jarlyǵymen III dárejeli «Aıbyn» ordenimen marapattalǵan edi. Búginde Erbol Ulttyq ulannyń ofıseri.
Tusaýkeserge kelgen alǵashqy kórermender «Altynshy beket» fılminen alǵan áserlerimen bólisti.
Aıdos Juqanuly, "Qazaqstan"RTRK" "ALTAI" telearnasy dırektorynyń orynbasary - bas redaktor:
- Lańkesterge hám lańkestik árekettiń aldyn alý barysyn tek teledıdardaǵy jańalyqtardan estip, bilip otyramyz. Bul taqyrypta túsirilgen kórkem fılm joqtyń qasy. Tek gollıvýd fılmderinen kórip óstik. HHI ǵasyr indetimen kúresý - tek kúshtik qurylymdardyń ǵana emes, barshamyzdyń mindetimiz. Demek bizge "Altynshy beket" syndy fılmder kóptep kerek. Halyqtyń saýaty ashylady. Patrıottyq sezim kúsheıedi. Otanǵa qyzmet etý bárimizdiń boryshymyz ekendigin túsinetin bolamyz. Qazaq jigitterine, áskerı adamdarǵa degen senim, maqtanysh paıda bolady. "Qazaqstan"RTRK" "ALTAI" telearnasy mundaı fılmderdi qoldaıdy, aqparattyq demeý kórsetedi. Fılm óte jaqsy túsirilgen. Rejıssýra, operatorlyq jumys, dybyspen árleý, bári-bári jaqsy. Kınotýyndyny úlken ekrannan kórsetýge pármen kórsetken Ulttyq ulannyń «Shyǵys» óńirlik qolbasshylyǵyna jáne qolbasshysy, general-maıor Talapker Amrıev myrzaǵa rahmet aıtamyn.
Marjan Baqyt, "Nur Otan" partııasy janyndaǵy "Jas Otan" JQ ShQOF tóraǵasy:
- Ulttyq Ulan qolbasshylyǵynyń qoldaýymen shynaıy oqıǵany ózek etken «Altynshy beket» kórkem fılmi joǵary deńgeıde túsirilgen. Men kınony bir demmen kórip shyqtym, bir jaǵynan batyrlarymyzdyń erligine qýanyp kózime jas alsam, bir jaǵynan teris aǵymnyń jeteginde ketken jastardy kórip júregim aýyrdy. Bul kınonyń tárbıelik máni zor, sol sebepten barlyq jastarǵa kórsetip úlgi qylý kerek dep sanaımyn.
Dosjan Omarhan, ShQO Aqparattyq ortalyǵynyń basshysy:
-Bul kartına qazaq sarbazynyń jıyntyq obrazyn qalyptastyrady dese de bolady. Jalpy, búginde əsker qatarynda azamattyq boryshty óteýdiń prestıjin kóterý mańyzdy məsele. Mysaly, kórshiles Reseı əskerı-patrıottyq fılmder túsirýge memlekettik satyp alý arqyly qyrýar qarajat bóledi. Al bizde mundaı fılmder aıtarlyqtaı kóp emes. Mundaı taqyryptaǵy fılm ıdeologııalyq quraldyń biri ekenin eskersek, "Altynshy beket" der kezinde shyǵarylǵan sətti týyndy.
Kórkem fılmde basty rólderdi elimizge tanymal akterlar Sanurjan Súleımenov, Jasulan О́mirbek, Serik Salqynbaev, Erbolat Toǵyzaqov, Saıat Isembaev, Qajymuqan Kalımbetov, Jandos Jumaǵulov, Armat Smaıylov, Baýyrjan Balǵabaev, Gúlnara Baıbosynova jáne basqalary somdaıdy. Fılmniń qoıýshy rejısseri - Serikbol О́tepbergenov.
Baǵdat Amangeldi,
«Shyǵys» óńirlik qolbasshylyǵynyń
baspasóz qyzmetiniń basshysy.
О́SKEMEN
