Qaýipsizdik arqyly – beıbitshilikke

Keshe Aqordada Memlekettik hat­shy Qanat Saýdabaevtyń tóraǵa­ly­ǵymen Qazaqstan Respýblıkasy Prezıdenti janyndaǵy Jappaı qyryp-joıý qarýyn taratpaý máseleleri jó­nindegi komıssııanyń kezekti otyrysy ótti. Otyrys kezinde sóz alǵan Qanat Saýdabaev: «Komıssııa jumysynyń nátıjesi, onyń qyzmeti ıadrolyq qaýipti tómen­de­tý­ge jáne ıadrolyq qarýdy taratpaýǵa qa­tys­ty álemdik úderistegi bizdiń Elbasy­nyń dúnıe júzi moıyndaǵan kóshbas­shy­lyǵyn nyǵaıtýǵa jáne jahandyq qaýip­sizdikti qamtamasyz etýdegi Qazaqstannyń rólin odan ári joǵarylatýǵa tyń serpin berdi», dedi. Qanat Saýdabaevtyń aıtýynsha, ko­mıs­sııanyń belsendi qatysýymen birneshe halyqaralyq jobalar júzege asyrylǵan. Solardyń biri – BN-350 reaktorynyń (Aqtaý qalasy) ıgerilgen ıadrolyq oty­nyn tasymaldaý. 2010 jylǵy sáýirde Vashıngton qalasynda ótken Iаdrolyq qaýip­sizdik jónindegi jahandyq sammıtke AQSh Prezıdenti B.Obamanyń shaqyrýy boıynsha Qazaqstan Prezıdenti Nursul­tan Nazarbaevtyń qatysýy aıryqsha mánge ıe. Semeı polıgonynyń jaby­lýy­nyń 20 jyldyǵyna oraı, Astana jáne Semeı qalalarynda «Iаdrosyz álem úshin» halyqaralyq forýmy, sonymen qa­tar, shet elderde birqatar is-sharalar ót­ki­zildi. Qazaqstan men Atom energetıkasy jónindegi halyqaralyq agenttik arasyn­da jemisti yntymaqtastyq qamtamasyz etilýde, dedi Memlekettik hatshy. Otyrys barysynda Qazaqstan Res­pýb­lıkasy Premer-Mınıstriniń oryn­ba­sary – Indýstrııa jáne jańa tehnologııalar mınıstri Á.Isekeshevtiń, Syrtqy ister mınıstri E.Qazyhanovtyń komıs­sııa­nyń ótken otyrystaryndaǵy hattama­lyq tapsyrmalardy oryndaý barysy jónindegi esepteri tyńdaldy. Komıssııanyń qorytyndy otyrysy­nyń nátıjesi boıynsha memlekettik or­gandarǵa 2012 jylǵy naýryzda Seýl qa­la­synda ótetin Iаdrolyq qaýipsizdik jó­nin­degi ja­handyq sammıtke Qazaq­stan­nyń laıyqty qatysýy úshin daıyndyq sha­ralaryna jáne jappaı qyryp-joıý qarýlaryn taratpaý rejimin odan ári ny­ǵaıtýǵa baǵyttalǵan tıisti tapsyrmalar berildi. Láıla EDILQYZY.