Elbasy Úndeýi sol­tús­­tik­qazaqstandyqtar tarapynan zor qoldaý taýyp otyr

Parlament palatalarynyń birlesken otyrysynda Elbasy elimiz­diń damýyn odan ári ilge­riletetin, halyqtyń ál-aýqaty men ómir sapasyn jaqsartatyn esep-qısaby muqııat jasalǵan usynystaryn jarııalap, údemeli jańǵyrý jolyn belgilep berdi.

Aýqymdy baǵdarlama bes áleý­met­tik salany qamtyp, kúr­meýi qıyn kúrdeli máselelerdi she­shýdiń basty baǵyttaryn aı­qyndap berdi. Birinshi bastamada árbir otbasyna baspana alýdyń jańa múmkindikteri naqty qa­ras­tyrylyp, «7 – 20 – 25» baǵ­dar­lamasy usynyldy. Endi ol boıynsha árbir qazaqstandyq úshin qoljetimdi páterge qol jet­kizýdiń múmkindigi artary sóz­siz. Oblys ortalyǵynyń ózin­de ǵana 13 myńǵa jýyq adam úı­ kezeginde tur. Sońǵy jyldary­ «Nurly jol» baǵdarlamasy sheń­­­­berinde qurylys ındýs­trııa­syn damytýǵa basa mán be­ri­lip, tek bıyldyń ózinde 1660 páterge laıyqtalǵan 15 úı tur­ǵyzylady. Olardyń 400-i kóp balaly analarǵa, jarymjan jan­darǵa beriledi. 

Jańa shaǵyn aýdan­dar boı­ kóterdi. Qurylys sala­syna­ ja­ńa tehnologııalardy engizý­diń nátıjesinde jylyna 200-220 myń sharshy metr turǵyn úı­ salynady. Bul kórsetkish al­dyńǵy jyldarǵa qaraǵanda 20-25 paıyzǵa kóp. Prezıdent usynǵan aıryqsha áleýmettik mańyzy bar baǵdarlamany júzege asyrýdyń naqty tetikteriniń qarastyrylýy arqasynda ıpotekalyq baspanaǵa degen suranystyń arta túseri sóz­siz. Bul, ásirese, baspanaǵa muqtaj adam­dar úshin úlken jeńildik.

Memleket basshysy atap ót­kendeı, ózin-ózi eńbekpen qam­ty­ǵan jáne jumyssyz tur­ǵyn­dardyń arasynda jappaı ká­sip­kerlikti damytý úshin at­qa­rylyp jatqan jumystardyń sheń­­berinde jeńildetilgen shaǵyn ne­sıeler berý neǵurlym tıimdi tetik sanalady. Byltyr óńirde 30714 adam jumysqa ornalas­tyrylyp, jańadan ashylǵan ju­mys oryndaryna 13492 adam tar­tyldy. Aralarynda shaǵyn ne­sıe alyp, ózgelerge jumys taýyp berýshiler az emes. Bul sa­laǵa elimiz boıynsha qosymsha 20 mıllıard teńge bólinýi aýyl­dyqtar úshin aıryqsha mańyzdy. О́ıt­keni turǵyndardyń basym kópshiligi aýyldyq eldi me­ken­derde tu­rady. Sondyqtan olar­dyń naq­ty istermen aınalysýy bi­rinshi kezekte qarjylyq qol­daý­dy qajet etedi. Bıyl 27 myń jumyssyz ben ózin-ózi jumyspen qamtýshyǵa jan-jaqty kómek kórsetiledi.

Vladımır BÝBENKO,
oblystyq máslıhattyń
hatshysy

Soltústik Qazaqstan oblysy