Álemdegi on úzdik fotograftyń qataryndaǵy qazaq

Álemdik túrli deńgeı­de­gi foto báıgelerdi uıym­das­ty­ra­tyn «Sente.antu cup» saıty ótken jy­ly «Álemdegi eń úzdik 10 fo­tografty izdeımiz» atty ha­lyq­­aralyq baıqaý jarııalaıdy. Oǵan AQSh, Reseı, Qytaı, Italııa, Ispanııa syndy álemniń 43 elinen 100 myńnan astam úmit­ker qatysady. Osynshama kóp shyǵarma básekege túsken báı­gede sýyrylyp alǵa shyq­qan 20 fotograftyń ishinde Qy­taı­dyń Shyńjań ólkesi Altaı aıma­ǵyn­da turatyn qandasymyz Serik Muqyshulynyń da esimi atalady. Alǵashqy 20 dep otyrǵan se­bebimiz jarys «Álemdegi eń úz­dik 10 fotograf» jáne «Álem­de­gi úzdik 10 fotograf» bolyp eki atalym boıynsha ótedi. Serik Mu­qyshuly sońǵy atalym boıyn­sha marapattalady. 

Fotograftyń ózi bul baı­qaý­dyń ózge baıqaýlarmen sa­lys­tyr­ǵanda sharttarynyń qatań ári qatysýshylar sany men syı­aqysy da kóp bolǵany sebepti osy jetistikke qol jetkizýdiń ózi úlken beles ekendigin aıtady. «Báıge sharty boıynsha bir qa­ty­sý­shy tek bir mazmundy baıandaıtyn 30 sýret usynýy tıis eken, al onyń ishinde bireýi nashar túsirilgen, ıaǵnı kásibı deńgeıi tómen bolsa basqa fotolaryńyz qansha keremet bolsa da kelesi aınalymǵa ótpeıdi», deıdi Serik Muqyshuly. Aıtsa aıtqandaı, bul baıqaýda eń úzdik atanǵan fotograftardyń árqaısysyna 1 mln ıýan syıaqy berilgen. Jarys deńgeıiniń qanshalyqty ekendigin osydan-aq kóre be­rýge bo­latyn shyǵar. 2017 jyly bas­tal­ǵan bul joba endi jyl saıyn ótkizilip turmaq. 

Biz Serik Muqyshulymen áń­gimelesý barysynda onyń ha­lyq­­aralyq básekede qazaq atyn shy­ǵarýmen qatar ózi turǵan oblys­ta tuńǵysh ret foto salasyna baılanysty qoǵamdyq uıym quryp, oǵan qandas baýyrlaryn tartyp, qazaq azamattary kóp bara bermeıtin foto ónerine baýlyp kele jatqanyn bildik. Eńbek jolyn bank qyzmetkeri bolyp bastaǵan ony týmysynan jany qalap, ańsary aýǵan foto túsirýge qyzyǵýshylyq qanshama jyldaryn sarp etip, kóz maıyn taýysyp oqyǵan mamandyǵyn, qyz­metin birjola tastaýǵa máj­búr etedi. Ári qaraıǵy jol Serik­ti tek jeke shyǵarmashylyq qa­na emes, osy saladaǵy irgeli isterdiń qyzyǵy men shyjyǵyna bastaı beredi. 

Qyryqtan asa eldiń foto­graf­tary qatysqan dodada esi­mi atalyp, qazaqtyń mereıin asyr­ǵan qandasymyzdyń basqa da je­tis­tikteri az emes, árıne. Ol 2013 jyly Shyńjań kólemindegi eń iri foto baıqaýdyń qola meda­lin al­sa, 2014 jyly «Juńgo et­no­­fotografııa» qoǵamy men Bi­rikken Ulttar Uıymynyń bir­lesip ótkizgen «Adamzatqa úles» atty halyqaralyq etnofoto baıqaýynda «Derekti foto» ata­lymy boıynsha júldeger atan­a-
­dy. Budan da basqa QHR já­ne halyqaralyq konkýrstarda júldeger bolyp, iri kórmelerge fot­olary qoıylǵan fotograf qa­zir ózi qurǵan «Altaı qazaq etnofotografııa qoǵamynyń» tóraǵasy. 

Ularbek NURǴALYMULY,
«Egemen Qazaqstan»