Semeıdegi áskerı gospıtal ujymy Ulystyń uly kúnin merekeleýde. Terapııa, hırýrgııa, anestezolıogııa jáne jan saqtaý bólimderi men gospıtaldyń emhanasy, dıagnostıka salalary qazaqtyń ulttyq salt-dástúrin kórsetti. Sóıtip emdelýshilerdiń kóńilin kóterip, olardyń tezirek saýyǵyp ketýine atsalysty. Máselen, «Naýryz kóje pisirý», «Qol kúresi», «Tusaý kesý» dástúrlerinen áskerı medsına qyzmetkerleri ózara saıysqa tústi. Barlyǵynyń da daıyndaǵan Naýryz kójesi óte dámdi bolyp shyqty.
- Áskerı medısına qyzmetkerleriniń balalary «Qazaq bıin» bıledi,-deıdi «Shyǵys» áskerı óńirlik qolbasshylyǵynyń baspasóz qyzmeti,-Káýsar jáne Álınur Zákárııa, Arýjan Sembaevalar «Mahabbat sezimi» mýzykasyn qobyzda oınady. Aıjas Balaýbaev bolsa baıanda túrli sazdy áýenderdiń basyn qosyp oınady. Naǵıma Ydyryshevanyń shyrqaǵan «Ásem ánim syrnaıdy-aı» áni men Gúlsimhan Jeksenbaıqyzyń «Qamajaı» bıi de Naýryz toıdyń naqyshyn keltirdi.
Uıymdastyrýshylardyń barlyǵyna gospıtaldyń medısına qyzmetiniń basshysy maıor Baýyrjan Balýbaev rahmetin aıtyp, Ulystyń uly kúnimen quttyqtady. Mereke sońynda Qydyr ata kelip, áskerılerge aq tilegin aıtyp, batasyn berdi.
Raýshan Nuǵmanbekova,
Semeı
