Nətıjesinde Daldabaı eldi mekeni tusyndaǵy «Josaly-Jalaǵash» tas joly boıyndaǵy kópir jáne jelty shamamen 500 m aýmaǵynyń ústin sý basty. (Josaly kentinen 41 shaqyrym joǵary, Jalaǵash kentinen 33 shaqyrym tómen). Sýdyń tasýynan shyǵyn kelmedi, ıaǵnı joldyń nemese kópirdiń buzylýy oryn alǵan joq.
Oblystyq jumyldyrý daıyndyǵy basqarmasynyń basshysy Serik Sermaǵambetov sý deńgeıiniń tómen túskenin, ózen arnasynda muz júrip jatqanyn habarlady.
«Oblys aýmaǵynan muz júrý prosesi ótken aıdyń 26-da bastalǵan bolatyn. Búgingi tańǵa deıin 780 shaqyrym júrip, eshqandaı tótenshe jaǵdaı bolǵan joq. Búgingi jaǵdaıǵa baılanysty Daldabaı eldi mekeniniń tusynda, 780 shaqyrymynda muz keptelisiniń saldarynan ózen arnasynan shyǵyp, Jalaǵash- Qarmaqshy tas jolynyń ústine shyqty. Qazirgi tańda ol jer ýaqytsha jabylyp tur. Sý 30 sm tómen tústi. Muz júrý prosesi jalǵasýda. Qazir Qarmaqshy aýdanynyń Dúr Ońǵar eldi mekeniniń tusynan ótip ketti. Erteńge deıin jol ashylady»,-dedi Serik Sermaǵambetov.
21 naýryzdaǵy jaǵdaı boıynsha oblys aýmaǵyna sekýndyna 160 tekshe metr sý kelýde. Qyzylorda sý torabynan sekýndyna 170 tekshe metr sý ótýde.
Qazirgi kezde Jańaqorǵan, Shıeli, Syrdarııa, Jalaǵash aýdandary men Qyzylorda qalasy aýmaǵyndaǵy ózen arnasy muzdan tolyq tazardy.
