Jınalǵan qarajat CINCA sındromy dertine shaldyqqan Dılnaz Ábdýǵalı men Aıagóz aýdanynan kelip, oqyp jatqan stýdentterge kómek retinde tabystalmaq. Stýdentterdiń ata-analary Aıagóz aýdanynda turady eken. Tasqyn saldarynan baspanasyz qalyp otyr. Osylaısha keshendi kómek berýdi ýnıversıtet ujymy sonaý 6 naýryzdan bastapty. Aksııa «Shyn júrekten!» dep atalady.
Osy bir aıǵa jýyq ýaqyt ishinde stýdent jastar Semeıdegi «Analar úıine» de baryp shyǵypty. Qazaq gýmanıtarlyq-ınnovasııalyq zań ýnıversıtetiniń rektory, QR Prezıdenti janyndaǵy otbasy-demografııalyq saıasat jáne áıelder isi jónindegi Ulttyq komıssııa múshesi, saıasasattaný ǵylymynyń doktory, professor Shyryn Qurmanbaeva alty ul men qyzǵa tusaýkeser jasady. Sóıtip, olardyń bolashaǵynyń baıandy bolýyn tiledi.
-Bizdiń jastarymyz ózgeniń basyndaǵy qaıǵyǵa nemquraıdy bolmaý kerek,-dedi Shyryn Asylhanqyzy,-«Analar úıinde» panalap otyrǵan jas analarǵa bizdiń stýdentter zańgerler retinde qujattarynyń retteýge kómektesti. Balalardy oınatyp, bir sát qamqorlyqtaryna aldy. Sóıtip, sábılerge qýanysh syılady. Jáne syrqaty úshin 21 mln teńge qajet Dılnaz Ábdýǵalıge de ujym bolyp qarajat jınaýdamyz. Jınalǵan qarajat jaqynda Dılnazdyń anasyna beriledi.
Naýryz toıy ústinde ýnıversıtet fakýltetteri kıiz úı tigýdiń saıysyna qatysyp, bas báıgeni gýmanıtarlyq fakýltet jeńip aldy. Jáne osy oqý orny rektorynyń granty Naýaly, Shúlbi eldi-mekenderinen jáne balalar úıinen 8 adamǵa tabystaldy.
Aıta ketý kerek, sońǵy on jylda rektor grantyna 220 jas ıe bolǵan eken.
Raýshan Nuǵmanbekova
Sýretter avtordyki.
Semeı
