Býdapeshtte ótken oıynnyń 6-shy mınýtynda-aq "Astanalyq" Roman Mýrtazaev alǵashqy esepti ashty, artynsha debıýttyq matchyn ótkizgen Bahtııar Zaınýtdınov esepti eseldi. Ol da "Astana" klýbynyń fýtbolshysy.
Al oıynnyń 21-shi mınýtynda vengrııalyq Adam Salaı gol soǵyp, esepti qysqartty. "Ýfa" fýtbolshysy Erkebulan Seıdahmet 39-shy mınýtta esepti 1:3 jetkizdi.Ekinshi taımda vengrııalyq shabýylshy Krıstıan Nemet esep aıyrmasyn taǵy bir golǵa qysqartty. Alaıda Qazaqstan fýtbol quramasyn oıyn sońyna deıin 2:3 esebin ustap turdy.
Osylaısha Stanımır Stoılov bastaǵan jigitter jeńis týyn jelbiretti. Eske sala keteıik, 26 naýryz kúni Qazaqstan fýtbol quramasy Bolgarııamen taǵy bir joldastyq kezdesý ótkizedi.
