Uıymdastyrýshylardyń aıtýynsha, sharany ótkizý arqyly memlekettik tildiń mártebesin arttyrý, arýlarymyzdyń boıyna ulttyq salt-dástúrdi sińirý jáne qazaqtyń ádet-ǵuryptaryn nasıhattaýdy kózdegen. Baıqaýǵa qatysýshylar bar ónerlerin barynsha ashyp kórsetýge tyrysty. Jınalǵan qaýymdy olardyń biri óleń joldaryn mánerlep oqýymen tamsandyrsa, al ekinshileri myń buralǵan bıimen tańǵaldyryp jatty. Sonyń nátıjesinde birinshi júldeli orynǵa J.Mýsın atyndaǵy qazaq pedagogıka kolledjiniń stýdenti Farıza Enshiles ıe boldy. Odan keıingi oryn Azamattyq qorǵanys kóp salaly kolledjiniń stýdenti Aıaýlym Kamıdollına men Kókshetaý joǵary medısınalyq kolledjinen kelgen Dıana Alpysbaevaǵa buıyrdy. Úshinshi júldeli oryndy Aqan seri atyndaǵy mádenıet kolledjinen kelgen Gúlǵaısha Jagslag pen №18 «Mıras» balabaqshasynan Gúlzada Daldıeva aldy. Qatysýshylar sonymen qatar «Parasatty», «Kórermen kózaıymy», «Daryndy» jáne «Bilimdi» atalymdary boıynsha marapattaldy.
Asqar TURAPBAIULY,
«Egemen Qazaqstan»
Aqmola oblysy
