«Tótenshe jaǵdaılar departamentiniń birde-bir qural jabdyǵy joq. Mysaly, motopompa. Jospar boıynsha ol oblysta 249 bolý kerek. Al bizde 55-i ǵana bar, 22 paıyz. Al endi kóshpeli motopompa, eń keregi osy ǵoı. Norma boıynsha 112 bolý kerek. Al bizde ekeý ǵana. Qaıyqqa toqtalaıyq. Ol 69 bolý kerek. Al bizde 14 qana qaıyq bar. Vezdehod, platahod 55 bolý kerek. Bireýi de joq», - dedi oblys basshysy.
Budan bólek Danıal Ahmetovtiń dereginshe, óńirde tótenshe jaǵdaılar qyzmetinde normaǵa sáıkes 55 kólik bolýy kerek. Al qazirgi kezde oblysta tek 9 kólik bar.
«Al endi jigitterimiz sýdyń basynda júr ǵoı. Olarǵa gıdrokombınezon kerek. Jospar boıynsha 1 myń bolý kerek, Al búkil oblysta 86 ǵana. Osy jaǵdaıǵa jaı qaramaıyq. Osy jyldyń basynda 300 mln teńge bóldik. Qazir taǵy da 200 mln bólip turmyz. Biraq osy máseleni birge sheshýge múmkinshilikti taýyp berseńiz», - dedi Danıal Ahmetov Premer-Mınıstr Baqytjan Saǵyntaevqa qarata.
Osy tusta Úkimet basshysy bul usynystyń óte oryndy ekenin basa atap ótti.
«Asqar Uzaqbaıuly, (QR Premer-Mınıstriniń orynbasary Mamın) qajetti memlekettik organdarmen birlese otyryp, qarap shyǵyńyz. Bul tek qana Shyǵys Qazaqstan oblysyndaǵy jaǵdaı emes. Barlyq oblystarda sondaı bolýy múmkin», - dedi Baqytjan Saǵyntaev.
