Temirbek Júrgenov atyndaǵy Qazaq Ulttyq О́ner akademııasynyń Sándik-qoldanbaly óneri kafedrasynyń meńgerýshisi, sýretshi Raýshan Bazarbaeva, Qazaqstannyń Mádenıetine eńbek sińirgen qaıratkeri, modeler-dızaıner, kıiz sheberi Sáýle Bapanova, QR Mádenıetine eńbek sińirgen qaıratkeri, zergerlik is sheberi Serik Rysbekov jáne Sýretshiler odaǵynyń múshesi, sýretti kilem is sheberi buǵan deıin de Jakartaǵa qazaq eliniń qolóner týyndylaryn úndi-qytaılyq qalyń kórermenge tanystyryp qaıtqan bolatyn. Bul endi osy kórmeniń ashylýynda Sáýle Bapanovanyń kıizden sán kıim úlgilerin kópshilikke tanystyrdy. Indonezııalyqtar erekshe ásemdikpen aıshyqtalǵan qymbat metaldan jasalǵan zergerlik buıymdaryn qoıdy. Aıta ketý kerek, olardyń týyndylarynda malaılyq ańyzdardan alynǵan áıelderdiń ásem beıneleri beınelengen.
Eldi jaýlardan qorǵaǵan sımvolıkalyq beıneleri eskertkishter de kóz tartady.Sekildi rýhanı qundylyqtardy negizge óz ónerlerine arqaý etetini erekshe baıqalady.«Sýkarno degen basshy bar memlekette sonaý zamanda Adam ata men Haýa ana jumaqtan sol jerge túsken, izderi bar» degen áńgimeler tegin aıtylmasa kerek-ti. Halyqtyń deni –ıslam bolǵandyqtan,bular til men dindi óner týyndylarynda ushtastyra bilgen. О́rnektegen toqyma buıymdary kóz jaýyn alǵan ádemi áspetimen oınaqshyp shyǵa keletinine tańyrqaısyz da tańdana qaraısyz. Zerli shyǵarmalary ańyzdar arbaǵan eldiń aıshyqtalǵan óneri órnekti kúıinde tamsanta beredi... Keskindeme men músinder kelbeti keremet kórikti qalpynda ańsaryńdy ózderine aýdara túsedi...
Saparbaı PARMANQUL,
«Egemen Qazaqstan»
ALMATY
