Dárigerlerdiń aıtýynsha, kámeletke tolmaǵan 18 bala oblystyq juqpaly aýrýlar aýrýhanasyna tústi. Sońǵy saǵattyń ózinde ýlanǵan eresekterdiń sany ósken. Qazirgi ýaqytta 39 adam aýrýhanaǵa jetkizildi, olardyń úsheýi jansaqtaý bóliminde jatyr.
Eske sala keteıik, osyǵan deıin Shymkentte 26 adamnyń balmuzdaqtan ýlanǵany habarlanǵan bolatyn. "Keshe úsh adam jatqyzyldy. Artynan taǵy úsh adam. Túnde uqsas aýrý belgilerimen 20 adam jatqyzyldy. Zardap shekkender sany 20-dan assa biz joǵary turǵan organǵa jazamyz. Ol tutynýshylardy qorǵaý departamenti", - degen edi osyǵan deıin aýrýhananyń bas dárigeri Ǵalymjan Aınabekov.
