Komıssııa otyrystaryna Qazaqstan Respýblıkasy Parlamenti Senatynyń depýtaty, Halyqaralyq qatynastar, qorǵanys jáne qaýipsizdik komıtetiniń múshesi Tóleýbek Muqashev pen Qazaqstan Respýblıkasy Parlamentiniń ókiletti ókili – UQShU Jaýapty hatshysynyń orynbasary Vıktor Rogalev qatysty.
Otyrys barysynda birqatar mańyzdy máseleler qaraldy, olardyń bir bóligi UQShU Parlamenttik Assambleıasy Keńesiniń bıylǵy sáýirdegi Keńesinde talqylaýǵa shyǵaralatyn bolady.
Senator Tóleýbek Muqashev Saıası máseleler jáne halyqaralyq yntymaqtastyq turaqty komıssııasynyń músheleri aldynda «Qazaqstan Respýblıkasynyń Ujymdyq qaýipsizdik sharty uıymyndaǵy 2018 jylǵy tóraǵalyq etýindegi basymdyqtary týraly» jáne «EQYU Parlamenttik Assambleıasyndaǵy qysqy sessııasynyń (Vena, 2018 jylǵy 22-23 aqpan) qorytyndylary týraly jáne EQYU Parlamenttik Assambleıasynyń jyl saıynǵy jazǵy sessııasynyń (Berlın, 2018 jylǵy 7-11 shilde) aldyn-ala kún tártibi týraly» baıandama jasady. Qazaqstan Respýblıkasy Parlamentiniń ókiletti ókili Vıktor Rogalev UQShU Parlamenttik Assambleıasy delegasııasynyń 2018 jyly 18 naýryzda ótken Reseı Federasııasyndaǵy prezıdent saılaýyna halyqaralyq baıqaýǵa qatysýy jónindegi qorytyndylarmen komıssııa múshelerin habardar etti. Turaqty komıssııa otyrystarynyń qorytyndylary boıynsha tıisti sheshimder qabyldandy.
Turaqty komıssııalar jumysy aıaqtalǵannan keıin depýtattar men shaqyrylǵandar Kırovsk qalasyna baryp, Lenıngradtyń qorshaýdan bosatýǵa arnalǵan shaıqastar kórinisterin kórdi. UQShU Parlamenttik Assambleıasyna múshe memleketterdiń joǵary zań shyǵarý organdarynyń ókilderi adamzatty fashıstik qaterden azat etý úshin qaza tapqan batyrlar eskertkishine taǵzym etti.
