Foto: Aıbek Jumatov
Májilismender kásiporyn sehtaryn aralap, óndiristik jumys barysymen tanysty. Zaýyt álemdegi eń iri ferroqorytpa óndirýshilerdiń qataryna alynǵan. О́ndiriste kremnıı jáne marganes qorytpalary óndiriledi. Kásiporyn jumysshylarymen kezdesý kezinde májilismender Prezıdenttiń 5 áleýmettik bastamasynyń máni men mańyzydylyǵyn aıtyp berdi. Depýtat E.Bekturǵanovtyń aıtýynsha elimizdegi bul bastama aýqymdy áleýmettik jobalardy júzege asyrýǵa múmkindik beredi. Qol jetimdi turǵyn úıdiń halyqqa tıimdi bolatynyn, jyl saıyn elimizde 400 myńǵa jýyq sábı dúnıege keledi, demografııalyq ahýal jaqsarýda dep atap ótti. Baspanaǵa degen qajettilik ósýde. Elbasy «7-20-25» jobasyn usyndy.
Májilis depýtattary elimizdegi birlik pen kelisim bizdiń áleýmettik ósim men ekonomıkalyq damý kepili ekenin jetkizdi. Kásiporynda ártúrli ult ókilderi eńbek etýde. Áleýmettik baǵdarlamalar men turaqtylyqty saqtaýdyń mańyzdylyǵy birlikte. Depýtat Janat Jarasov óńirlerdegi jumys sapary aıaqtalǵan soń, Elbasy bastamalaryn júzege asyrýǵa negiz bola alatyn zań jobalaryn qarastyrý bastalatynyn málim etti.
Budan keıin depýtattar, Úshterek aýyldyq aýmaǵyna bardy. Májilis depýtaty Murat Temirjanov «Sergeı», «Tımýr» ShQ-nyń jumystarymen tanysty. – Bul aýyldardyń damý deńgeıine joǵary eken. Aýyldyqtar úshin barlyq jaǵdaı jasalypty, – deıdi.
Artýr Platonov InEÝ Eýrazııalyq ınnovasııalyq ýnıversıtette stýdenttermen, oqytýshylarmen kezdesti. Bilim salasyna baılanysty birqatar másele boıynsha pikirlesti. Depýtattar oblys ortalyǵyndaǵy «Batyr Moll» saýda keshenindegi órt qaýipsizdigine qajetti jaılardyń bar-joǵyn anyqtaý úshin ortalyqty aralap kórip shyqty. Budan keıin «Halyqqa qyzmet ortalyǵynda» bolyp, jalpy qujat ázirleýde bir terezeniń halyqqa tıimdi atqarylyp jatqan sıfrlandyrý júıesiniń jumystarymen tanysty.
Pavlodar oblysynda 29 naýryzdan, 6 sáýirge deıin 6 depýtat oblys ortalyǵynda, Ekibastuzdaǵy óndiris oryndaryn jáne aýyldardy aralaıdy.
Farıda BYQAI,
«Egemen Qazaqstan»
