Saltanatty rásim barysynda Qyrǵyz Respýblıkasynyń Prezıdenti Elshini dıplomatııalyq qyzmetiniń resmı bastalýymen quttyqtap, bul qurmetti mıssııa bizdiń elderimiz arasyndaǵy baýyrlastyq, tatý kórshilik jáne ózara tıimdi qatynastardyń odan ári damýyna yqpal etetinine senimdilik bildirdi. Qyrǵyz Respýblıkasynyń Prezıdenti óziniń qysqa ýaqyt ishinde Qazaqstannyń elordasy Astanada resmı saparmen jáne Ortalyq Azııa memleketteri basshylarynyń kezdesýinde eki ret bolǵanyn atap ótti. «Bul saparlar kezinde mańyzdy qujattarǵa qol qoıylyp, ózekti máseleler talqylandy. Sizdiń Qyrǵyzstanǵa Elshi bolyp taǵaıyndalýyńyzǵa óte qýanyshtymyn, ári bizdiń qarym-qatynastarymyz keleshekte tereńdeı túsedi dep senemin, óıtkeni qyrǵyzdar men qazaqtar sııaqty bir-birine jaqyn halyq joq», - dedi Prezıdent S. Jeeenbekov.
О́z tarapynan K. Kókirekbaev mádenı-gýmanıtarlyq jáne ekonomıkalyq salalarda eki halyqtyń yntymaqtastyǵyn nyǵaıtýǵa berilgen múmkindik úshin alǵysyn bildirdi. Ol eki baýyrlas halyqtar arasynda qalyptasqan senimdi dıalog qomaqty sharttyq-quqyqtyq bazamen jáne Qyrǵyzstan Prezıdenti S.Jeenbekovtiń Qazaqstanǵa resmı sapary sheńberinde qol qoıylǵan tarıhı qujattar: Qazaqstandyq-qyrǵyz memlekettik shekarasyn demarkasııalaý týraly Shartpen jáne Shekara rejımi týraly Kelisimmen aıqyndalatynyn atap kórsetti.
Oǵan qosa K.Kókirekbaev Qazaqstannyń shyǵarmashylyq, sporttyq, ǵylymı-bilim berý salasyndaǵy delegasııalarynyń 2018 jylǵa josparlanǵan uly jazýshy Sh.Aıtmatovtyń 90 jyldyǵy jáne Qyrǵyzstanda ótetin III-shi Dúnıejúzilik kóshpendiler oıyny sııaqty iri is-sharalarǵa qatysýy bizdiń elderimiz arasyndaǵy mádenı-gýmanıtarlyq yntymaqtastyqty odan ári damytýǵa serpin beretinin málimdedi. Sóz sońynda Elshi qyrǵyz tarapyn Astananyń 20 jyldyǵyn birlesip merkeleýge shaqyrdy.
