"Qazaq fılologııasy aýyr qazaǵa ushyrady. Osy jyldyń 30 naýryzynda qazaq ǵylymy aýyr qaıǵyǵa dýshar boldy. Qazaqstan Respýblıkasy Bilim jáne ǵylym mınıstrliginiń Baıtursynuly atyndaǵy Til bilimi ınstıtýtyn uzaq jyldar boıy basqarǵan fılologııa ǵylymdarynyń doktory, professor Husaıyn Kóbeı Shahmetuly 74 jasqa qaraǵan shaǵynda uzaqqa sozylǵan naýqastan ómirden ozdy. 1 sáýirde saǵat 10.00-de qaraly mıtıng Chaıkovskıı kóshesi, 131, 1-podezd, 15-páter (Shevchenko qıylysy) ótedi. Qonaqasy "Altyn adam" restoranynda 1 sáýirde 13.00-de Shashkın 5a (Popov qıylysy) ótedi", - dep jazdy ol.
Kóbeı Shahmetuly Husaıynov 1945 jyly 27 naýryzda Almaty qalasynda týǵan. QazMÝ-dy jáne Qazaqstan ǵylym akademııasynyń Til bilimi ınstıtýtynyń aspırantýrasyn bitirgen.
Qazaqstan ǵylym akademııasynyń Til bilimi ınstıtýtynda kishi, aǵa ǵylymı qyzmetker, ǵalym-hatshy , aǵa ǵylymı qyzmetker, ınstıtýt dırektorynyń orynbasary, dırektory, 2009 jyldan bas ǵylymı qyzmetker boldy. Ǵylymı eńbekteri qazaq tiliniń keleli máselelerine arnalǵan. "Qazaq tilindegi ataýlardyń dybys beıneleýishtigi" taqyrybynda doktorlyq dıssertasııa qorǵady. 50-den astam ǵylymı jarııalanymnyń avtory.
