Oblystyq Tótenshe jaǵdaılar departamenti osydan bir saǵat buryntaratqan málimetinde bul eldi mekennen 55,Zyrıannyń ózinen 66 adamnyń qaýipsiz jerge kóshirilgenin, adamdardyń jartysy týystarynyń úıine, jartysy evakýasııa beketterine ornalastyrylǵanyn, sý basqan úıler sany anyqtalyp jatqanyn habarlady.
Zyrıanmen irgeles jatqan Katonqaraǵaı aýdanynyń Aqsý jáne Barlyq aýyldary da qazir aıtyp kelmeıtin apatpen arpalysýda. Buqtyrma ózeninde muz kesekteriniń jınalýynan sý deńgeıi kóterilgen. Nátıjesinde 10 úıdi sý basyp, 20 adam (onyń 10-y bala) qaýipsiz jerge kóshirilgen.
Sonymen qatar departament Kókpekti aýdanynyń Samar aýylynda qutqarýshylar jaǵalaýǵa jaqyn mańda turatyn turǵyndardy qaýipsiz jerge kóshirip jatqanyn habarlady. Kókpekti aýdandyq tótenshe jaǵdaılar bólimi bastyǵynyń aıtýynsha, Samardan shamamen 90 úıdiń 200 turǵynyn evakýasııalaý qajet. Alaıda turǵyndardyń basym kópshiligi kóshýden bas tartyp otyr. Turǵyndar mektep jáne Agrarlyq kolledj bazasyndaǵy eki evakýasııa beketine ornalastyrylady. Sonymen qatar «О́skemen-Samar» avtojolynyń 132 shaqyrymyndaerigen qar sýy tasyp, 50 metrdeı jerdi basqan.Qazir ol jerde TJD, jergilikti bılik jáne polısııa jumys istep jatyr.
Azamat QASYM,
«Egemen Qazaqstan»
