31 naýryz kúni aımqa basshysynyń qatysýymen barlyq oblystyq jáne qalalyq memlekettik mekemeler, aýmaqtyq departamentter men ınspeksııalar, memlekettik quqyq qorǵaý organdary, óndiristik kásiporyndar men oqý oryndary qyzmetkerleri jappaı senbilikke shyǵyp, qalany kúl-qoqystan tazartyp, aǵash otyrǵyzdy.
Derekterge súıensek, 17 naýryzdan bastap uıymdastyrylǵan senbilikke oblys boıynsha barlyǵy 9 808 adam qatysyp, 169 tehnıka jumyldyryldy. Nátıjesinde 1 927 ga aýmaq tazartylyp, barlyǵy 3 702 tonna qaldyq shyǵaryldy. Sonymen qatar, Aqtaý qalasy, Túpqaraǵan jáne Munaıly aýdandarynda barlyǵy 185 aǵash, Munaıly aýdanynda 10 tekshe metr jerge gúlzarlar otyrǵyzyldy. Aqtaý qalasynda 60 jáne Qaraqııa aýdanynda 20 oryndyq qalpyna keltirildi.
Aldaǵy senbilikterde aǵash túpterin ákteý, aǵash otyrǵyzý jáne taǵy da basqa tazartý jumystary jalǵasyn tabady. Aqtaý qalasyndaǵy ótken senbilikke barlyq oblystyq jəne qalalyq memlekettik mekemeler jumyldyryldy. Sonymen qatar jumysshylarymen jəne tehnıkalarymen qamtamasyz etken óndiristik kəsiporyndar qatysty. 500-ge jýyq senbilikke qatysýshy Kishi Oımasha kóliniń mańyn tazalady.
Gúlaıym ShYNTEMIRQYZY,
«Egemen Qazaqstan»
