Máselen, Májilis Tóraǵasynyń orynbasary Vladımır Bojko bastaǵan tómengi palata depýtattary qyzylordalyq depýtattar, qoǵam belsendileri jáne ustazdarmen kezdesti. Shara barysynda Vıse-spıker Elbasynyń bes áleýmettik bastamasy halyqtyń muqtajyna baǵyttalyp otyrǵanyn atap ótti.
О́z kezeginde Májilis depýtaty Natalıa Jumadildaeva bilim granttarynyń sanyn kóbeıtý, stýdentterdi jataqhanamen qamtýǵa baılanysty Bilim jáne ǵylym mınıstrligimen birlesip qolǵa alynǵan zań jobasynyń negizgi taraýlaryna toqtaldy.
Sonymen qatar shara barysynda Májilis depýtattary Balaım Kesebaeva, Abzal Eralıev, Keńes Absatırov salyq salasyndaǵy ózgerister, kásipkerlerge qoldaý kórsetý men halyqty baspanamen qamtamasyz etý máselelerin kóterdi.
Depýtattar Qyzylorda qalasyndaǵy Dostyq úıinde oblystyq Qazaqstan halqy Assambleıasy múshelerimen de dıdarlasty.
Atap aıtqanda, Parlament Senatynyń depýtattary Birǵanym Áıtimova men Baqtybaı Shelpekov Aqtaý qalasynda akademık Sh.Esenov atyndaǵy Kaspıı memlekettik tehnologııa jáne ınjınırıng ýnıversıtetiniń stýdentterimen jáne professorlyq-oqytýshylar quramymen kezdesti. Depýtattar kezdesý barysynda Qazaqstan qoǵamyn áleýmettik jańǵyrtýǵa arnalǵan «Prezıdenttiń bes bastamasyn» sharaǵa qatysýshylarǵa jan-jaqty túsindirdi.
Sonymen qatar ár otbasyna, onyń ishinde jastarǵa turǵyn úı satyp alýdyń jańa múmkindikteri, eńbekaqysy tómen jumysshylarǵa salyq aýyrtpalyǵyn tómendetý, joǵary bilim alýdaǵy jańalyqtar men onyń sapasyn kóterý sharalary týraly áńgime qozǵaldy. Senatorlar oblystyq aýrýhananyń ujymymen de júzdesti.
* * *
Al senator Erik Sultanov Soltústik Qazaqstan oblysy Shal aqyn aýdany turǵyndarymen kezdesip, qazaqstandyqtar úshin jaıly baspana áleýmettik mańyzy aıryqsha másele bolyp tabylatynyn sóz etti.
* * *
Májilis depýtattary Ersultan Bekturǵanov, Janat Jarasov jáne Artýr Platonov pen Murat Temirjanov Pavlodar oblysyna jumys sapary barysynda Aqsý ferroqorytpa zaýytynda bolyp, eńbek ujymymen júzdesti. Depýtattar kásiporyn qyzmetkerlerimen pikirlesý barysynda Memleket basshysy bastamalarynyń keshendi jáne shyǵyny eseptelgen aıqyn jospar ekendigine nazar aýdardy.
* * *
Elbasynyń bes áleýmettik bastamasy talqylanǵan «Aq jol» partııasynyń Ońtústik Qazaqstan oblystyq keńesiniń alqalyq jıynyna Májilis depýtattary Azat Perýashev pen Berik Dúısembınov qatysty.
Kezdesý barysynda depýtattar Májilistiń zań shyǵarý qyzmeti men «Aqjol» demokratııalyq partııasynyń parlamenttik fraksııasynyń jumysy jaıly da egjeı-tegjeıli baıandady.
* * *
Sondaı-aq Aqmola oblysynyń Aqkól jáne Selınograd aýdandarynyń turǵyndarymen júzdesken Májilis depýtattary Álııa Saparova, Sergeı Sımonov, Pavel Kazansev, Snejanna Imasheva men Mıhaıl Chırkov Elbasynyń bes áleýmettik bastamasynyń árbireýine naqty toqtalyp ótti.
* * *
О́z kezeginde Parlament Májilisiniń depýtaty general-leıtenant Abaı Tasbolatov Astana qalasynyń áskerı qyzmetshilermen kezdesti.
Bul basqosýda Elbasynyń áleýmettik bastamalary jaıynda ashyq áńgime ótti. Sonymen qatar zań shyǵarýshy organ ókili elimizdiń qorǵanys jáne áskerı salalarynda eńbek etip júrgen qyzmetkerlerdi turǵyn úımen qamtamasyz etý máselesin sóz etti.
Sondaı-aq, Májilis depýtattarynyń qatysýymen elordanyń basqa da kásiporyndarynda jáne qurylys alańdarynda kezdesýler uıymdastyryldy.
* * *
Parlament Májilisiniń depýtattary Beıbit Mamraev pen Káribaı Musyrman Qaraǵandy oblysynyń Shet aýdanynyń Aqjal kentindegi «Nova-Sınk» JShS ujymymen kezdesti. K.Musyrman Qaraǵandy oblysyna tartylatyn gaz qubyry Elbasynyń bes bas-
tamasy aıasynda aýqymdy jeńildik əkeletinin baıandady.
* * *
Al Májilis depýtattary Maıra Aısına men Vasılıı Oleınık Qaraǵandy oblysynyń Abaı qalasyndaǵy «Volynka» JShS qyzmetkerlerimen kezdesýinde Prezıdenttiń bes áleýmettik jańǵyrtýǵa baǵyttalǵan bastamalarynyń mazmuny jaıynda áńgimeledi. Tıisinshe, zaýyt jumysshylary Memleket basshysynyń baǵdarlamalaryn júzege asyrýdyń egjeı-tegjeıine qyzyǵýshylyqtaryn bildirdi.
* * *
Petropavl qalasynda Májilis depýtattary Svetlana Bychkova, Aızada Qurmanova, Aıgúl Nurkına, Jámıla Nurmanbetova, Qanat Mýsın oblystyq ishki ister departamentinde bolyp, kóshi-qon qyzmetiniń, jedel basqarý ortalyǵynyń, ýchaskelik beketterdiń jumystarymen tanysty. №1 qalalyq emhananyń ujymymen ótken júzdesýde jalaqysy tómen jumysshy-qyzmetkerlerdiń eńbekaqysyn kóbeıtý baǵytynda Úkimet tarapynan qosymsha qarjy bólinetinin aıtty.
* * *
Májilis depýtattary Sapar Ahmetov, Anar Jaıylǵanova jáne Ahmet Mýradov Astanadaǵy shyny paketin shyǵaratyn kompanııa qyzmetkerlerimen óndiristik sehtarda júzdesti.
Prezıdenttiń bes bastamasyn talqylaý barysynda jumysshylar Elbasynyń halyqqa usynǵan múmkindikteriniń der kezinde qolǵa alynǵanyn jáne mańyzdy ekendigin atap ótti, dep habarlady Parlament Senaty men Májilisiniń baspasóz qyzmetteri.
