Halyqtyń turmys jaǵdaıyn jaqsartý, olardyń ómir súrý deńgeıin turaqty túrde arttyrý arqyly elimizdiń áleýmettik saıasatyn jetildirýdi kózdegen Memleket basshysy bes áleýmettik bastama kóterip, onyń oryndalýyn talap etýde. Táýelsizdiktiń alǵashqy jyldarymen salystyrǵanda elimizdiń ekonomıkasy qaryshtap damydy, Qazaqstandy álem tanydy. Ekonomıkany damytyp, aldyńǵy qatarly otyz eldiń qatarynan kóriný úshin aýqymdy, tıimdi memlekettik baǵdarlamalar júzege asyryldy, asyrylyp ta jatyr.
Jalpylaı alǵanda, bizdiń áleýmettik jaǵdaıymyzdaǵy jetken jetistikter – memlekettiń ár qazaqstandyq úshin jasap otyrǵan qamqorlyǵynyń jemisi. Jyl ótken saıyn turmys deńgeıimiz kóterilip, materıaldyq jáne mádenı qajettilikterimiz qanaǵattandyrylý ústinde. Olaı deıtinim, qansha jerden ekonomıkalyq qıyndyqtar, jahandyq daǵdarystar oryn alsa da bizdiń memleketimizde áleýmettik kómekter qysqaryp kórgen joq.
«О́z úıim – óleń tósegim» degen emes pe halqymyz? Jańa otbasyn qurǵan jastardyń kóbine baspanasyz júretinine kádimgi ómirdiń zańy sııaqty etimiz ólip bara jatqandaı edi. Úıi joq bolǵan soń kúıi bolmaǵan otbasylardyń qıyndyqqa shydamaı shańyraqtary shaıqalyp jatqanyn da kórip júrmiz. Aldaǵy ýaqytta bul qıyndyq ta artta qalatynyna senimdimin. Nursultan Nazarbaev osy Úndeýinde baspana alý úshin nesıe tóleminiń kólemi 7 paıyzǵa deıin tómendetiletinin aıtty.
Úndeýde jarııa etilgen «Jalaqysy tómen jumysshylardyń eńbekaqysyn kóbeıtý úshin olardyń salyq júktemesin azaıtý», «Shaǵyn nesıe berýdi kóbeıtý», «Eldi gazben qamtamasyz etýdi jalǵastyrý» sekildi máselelerdiń kóterilýi eldiń áleýmettik jaǵdaıyn, ár adamnyń turmysyn kóterýde mańyzdy.
Asqar SÚLEIMENOV,
Almaty oblystyq máslıhatynyń depýtaty
