Ol bıylǵy jyly jeńildetilgen shaǵyn nesıe kólemin arttyrý úshin qosymsha 20 mıllıard teńge bólý keregin aıtty. Sóz joq, bul elimizdiń ekonomıkalyq qýatyn ilgeriletý jolyn tańdap, aýyldan jańadan kásipterin ashyp, jumystaryn bastaýshylar úshin úlken qoldaý.
О́tken jyly aımaqta Kásipkerlikti qoldaý kartasy sheńberinde 344 jumys ornyn qurýmen quny 5 mlrd teńge bolatyn bes jańa joba júzege asty. Shaǵyn jáne orta kásipkerlik sýbektilerimen óndirilgen ónimniń kólemi aldyńǵy jylmen salystyrǵanda 50 paıyzdan astam ósim berdi. Sondaı-aq byltyr jergilikti bıýdjet pen «Damý» qory qarajaty esebinen barlyǵy 500 mln teńge bólinip, kásipkerlerdi qarjylandyrý júrgizildi. Bul qarajatqa 11 joba maquldandy.
Jalpy, Elbasynyń halyqqa Joldaýynda atap kórsetilgenindeı, aýylda ǵana emes, barlyq jerde adamdar óz bıznesin asha alady. Sonyń arqasynda shaǵyn nesıelendirýdiń kólemi keńeıtýge, jańa kásip ashýǵa, eki qolǵa bir kúrek taba almaı júrgen júzdegen adamdy jumyspen qamtamasyz etýge bolady.
Endeshe, memleket tarapynan jasalatyn osyndaı qoldaý men berilgen múmkindikti qalt jibermegen durys.
Álııa BEKQOJIEVA,
«Atyraý oblystyq jumys berýshiler men kásipkerler odaǵy» qoǵamdyq birlestiginiń tóraıymy
