Alaıda elimizdiń ortalyq jáne soltústik óńirleri ázirge gazsyz qalyp otyr. Sondyqtan da Qaraózekten (Qyzylorda oblysy) Jezqazǵanǵa, odan Qaraǵandy men Temirtaýǵa jáne Astanaǵa tartylatyn magıstraldy gaz qubyryn salý kózdelip otyr. Ári qaraı, jospar boıynsha – Pavlodar, Petropavl jáne Kókshetaý. Atalǵan jobany júzege asyrý 2,5 mln adamdy kógildir otynmen qamtamasyz etip qana qoımaıdy, sonymen qatar jańa óndirister ashylyp, jańa jumys oryndary paıda bolyp, ekologııa aıtarlyqtaı jaqsarady.
Kompanııamyz gaz óndirýmen aınalysatyndyqtan da jobanyń júzege asyrylýyna múddeli ekendigin taǵy bir qaperge sala ketkenim artyq emes. Bul rette uzaq merzimge saqtaýǵa ketetin shyǵyndar qysqaryp, sısternalar arqyly tasymal jáne temir jol tuıyqtaryna aparyp qoıý sııaqty kóptegen artyq is-qımyldar qajetsiz bolyp qalady.
Ekologııalyq taza otyn sanalatyn gazdan bólinetin jylý suıyq pen qatty otyndardyń qyzýynan eshbir qalyspaıdy jáne de qýatty nemese tehnologııalyq otyn retinde paıdalanylady. О́zi arzan.
Rınat MÝRATOV,
«Atbasarskıı-Gaz» JShS dırektory
Aqmola oblysy
