Qazaq kúresinen ótken el birinshiliginde 2003-2004 jyly týǵan jasóspirimder toǵyz kategorııa boıynsha kúsh synasqanyn aıta ketken oryndy. Bozkilem ústindegi beldesý qara kúsh ǵana emes, aıla-tásilderdi sheber qoldanýdy da qajet etedi. Kez kelgen qatelik jeńiliske alyp kelýi múmkin. Osyndaı jaǵdaıda jaýapkershilikti sezingen sportshylar shalys baspaýǵa tyrysty. Tartysty ótken beldesýde +73 kılo salmaqta óner kórsetken Selınograd aýdanynyń balýany Baýhan Dastan chempıon atandy.
Sondaı-aq Ereımentaý aýdanynyń sportshysy Oljas Erenǵaıypov 50 kıloǵa deıingi salmaqta beldesip, qarsylastaryn tize búktirdi. Al kúmis osy aýdannyń taǵy bir sportshysy, 42 kılo salmaqta kúresken Aıbek Jumaǵulovqa buıyrdy. Sóıtip jeńimpazdar Qazaqstan Respýblıkasynyń sport sheberi kandıdattyǵyna qajetti normatıvterdi oryndady. Nátıjesinde, aqmolalyq sportshylar jalpykomandalyq esep boıynsha birinshi orynǵa taban tiredi.
Asqar TURAPBAIULY,
«Egemen Qazaqstan»
Aqmola oblysy
