Degenmen de ulttyq meıramdy ózgeshe sıpatta ótkizýge tyrysyp júrgen jandar tym kóp bolmasa da bar. Máselen, jýyqta Úrjar aýdanynyń Taskesken aýylyndaǵy Úrjar kolledjinde asyq atýdan saıys uıymdastyryldy.
Bir qyzyǵy, stýdentter arasynda ótken jarysqa atalǵan bilim ordasynyń dırektory Qanaǵat Sharahmetovtiń ózi de qatysty. Qatysyp qana qoımaı, bas júldeni qanjyǵasyna baılady.
«Asyqty bala kezde armansyz oınadyq qoı. Bul saıysqa bilgen, túıgenimizdi balalarǵa úıreteıik, dástúrimizdi dáripteıik, ulttyq qundylyqtarymyzdy ulyqtaıyq degen ıgi nıetpen qatystym. Úıde, bolmasa bir buryshta qalta telefonyna úńilgenshe balalardyń taza aýada asyr salyp asyq atqanyn qalaımyn. Jarysty ótkizýdegi maqsatymyz – osy», – deıdi kolledj dırektory.
Jarys qorytyndysynda I oryndy kolledj dırektory Qanaǵat Sharahmetov ıelense, II oryn I kýrs stýdenti Qabden Rızatqa buıyrdy. III oryndy II kýrs stýdenti Nur Qalıbaev enshiledi.
Azamat QASYM,
«Egemen Qazaqstan»
Shyǵys Qazaqstan oblysy,
Úrjar aýdany,
Taskesken aýyly
