Shirkin, bul kórmede jarasymdy januıanyń merýertteı muralary áspetti qalpynda júregińizdi ezip, ózine eliktire túsedi...
Jubaılardyń jarasymdy juby – Ibragımovtar Tashkent qalasyndaǵy P.P.Benkov atyndaǵy kórkemsýret ýchılıshesin bitirdi. Iýnýs ýchılısheniń teatr dekorasııasy, Zýhra Dızaın bólimin jáne Ostrovskıı atyndaǵy teatr-kórkemsýret ınstıtýtynyń kitap grafıkasy bólimin oqyp bitirdi. Jubaılar qazirgi ýaqytta sýret jáne keskindeme sabaqtary boıynsha jeke ustazdyq qyzmet atqarady.
Árbir sýretshiniń kórmesi ózindik jańa kóp qyrly shyǵarmashylyq qyzmetimen erekshelenedi. Iý.Ibraımov monýmentaldy jáne stanokty keskindeme tehnıkasynda jumys jasaıdy. О́z shyǵarmalaryn plenerge shyqqanda da, sheberhanada jasaǵanda da ol sáýle men kóleńkeniń qozǵalysyn baıqap, kez kelgen tús ózgeristerin sezinýge tyrysady. Sýretshi barlyq óziniń ishki dúnıesin jumsaq jáne ádemi boıaýlar arqyly kórsetedi. О́zi týǵan jerdiń tabıǵatynyń sulýlyǵyn beınelegen «Qarǵaly. Kesh», «Alekseevkaǵa barar jol», «Vesnovka», «Remızovka», jyl mezgilderi – «Aqpan», «Shilde», «Kúz taıap qaldy» atty kóptegen peızajdyq jumystary bar.
Zýhra grafıkaǵa, aǵashqa kúıdirip órnek salýǵa, mataǵa kórkem oıý-órnekter salyp áshekeıleýge – batıkke, óz shyǵarmashylyǵynda ár túrli ádisterdi, materıaldardy paıdalanyp, jıi synaqtar jasaýǵa qushtar, sondaı-aq ol maıly keskindeme tehnıkasynda da jumys jasaıdy. Onyń kartınalary, ásirese («Býtakovka», «Tańǵy sýyq», «Ystyqkól», «Qystaǵy kúnniń batýy») peızajdary óte kórkem jáne ádemi. Sońǵy jyldary jubaılar músinmen jáne barelefpen shuǵyldanýda. Sýretshiler otbasymen plenerlerge shyǵyp, kóptegen jumystaryn tabıǵat aıasynda salǵan.
Zýhra jáne Iýnýs Ibragımovtar ózderiniń kórmelerin 2010 jyly kórermender nazaryna usynǵan. Al búginde otbasylyq jupqa olardyń qyzdary Jasmın qosyldy. Kórmege Jasmın alǵash ret óziniń akvarel jumystaryn qoıdy. Ol Qasteev atyndaǵy mekteptiń kórkemsýret bóliminde oqıdy, kóptegen balalar shyǵarmashylyq baıqaýlarynyń qatysýshysy: «Gúlder álemi» (1-oryn), «Meniń Qazaqstanym» (1-oryn), «Baldáýren» jáne t.b. lagerlerdiń emblemasy úshin 1-oryndy ıelengen.
Naýryz merekesine oraı shýaqty shańyraqtyń jarasymdy shyǵarmalaryn jınaqtaǵan bul kórmege 45-ten astam jumys qoıylǵanyn aıtýymyz kerek.
Saparbaı PARMANQUL,
«Egemen Qazaqstan
ALMATY
