Jıynǵa Batys Qazaqstan oblysy ákiminiń orynbasary Mırjan Satqanov, Oral qalasy ákiminiń orynbasary Mırbolat Nurjanov, «Atameken» kásipkerler palatasy oblystyq fılıalynyń dırektory Sáken Karınder qonaq retinde qatysty.
Batys Qazaqstan oblystyq isker áıelder keńesiniń tóraıymy Juldyz Quspanova forýmda arnaıy baıandama jasap, qyz-kelinshekter qolǵa alǵan kásipkerlik isterdiń jetistigi men qıyndyq tustary jaıly aıtyp ótti. El damýyndaǵy áıelderdiń róli, isker áıelderdi qoldaý, jalpy áıelder qaýymynyń ekonomıkalyq belsendiligin arttyrý taqyryby túrli baıandamalarda kóterilip, talqyǵa tústi.
Bul kúni «Balzııa» kondıterlik sehy men dúkender jelisiniń qojaıyny Balzııa Eveneeva, «Marııa hanym» sán úıiniń quryltaıshysy Marııa Quspanova, Batys Qazaqstan ınnovasııalyq tehnologııalar ýnıversıtetiniń quryltaıshysy Lázzat Rysbekova, «Jaıyq Dent» stomatologııalyq ortalyǵynyń quryltaıshysy Merýert Mýsına jáne basqa da tabysker qyz-kelinshekter Batys Qazaqstan oblysynyń ákiminiń maqtaý qaǵazyna ıe boldy.
Qazbek QUTTYMURATULY,
«Egemen Qazaqstan»
Oral
