Qoǵam • 02 Sáýir, 2018

Sergeı Ershov: Oralmandardy áleýmettik máseleler alańdatady

404 ret

kórsetildi

1 mın

oqý úshin

Mońǵolııadan kóship kelgen qandastar ózderiniń sheshilmegen áleýmettik máselelerine alańdaıdy. Senat depýtaty Sergeı Ershovtiń Qaraǵandy oblysyndaǵy Osakarov aýdanynda jergilikti turǵyndarmen kezdesýi barysynda oralmandardyń jumysqa ornalasýy men turǵyn úımen qamtamasyz etý máseleleri áńgime boldy.

Egemen Qazaqstan

Sergeı Ershov: Oralmandardy áleýmettik máseleler alańdatady

Senator Prezıdent N.Á. Nazarbaevtyń bes áleýmettik bastamasyn iske asyrý barysynda kóptegen máselelerdiń sheshimi tabylatynyna senim bildirdi. Oralmandar óz kezeginde olardyń muqtajdaryna aýdan basshylyǵy udaıy nazar aýdaryp otyratynyn jáne qajetti kómegin berip otyrǵanyn atap ótti.

S. Ershov jergilikti bılik organdary men aýyl turǵyndaryn Qazaqstan azamattarynyń ómir súrý deńgeıin kóterýge jáne áleýmettik ál-aýqatyn arttyrýǵa baǵyttalǵan Memleket basshysynyń aýqymdy josparlaryn tabysty iske asyrý úshin bar kúsh-jigerin arnaýǵa shaqyrdy.

Aýdan turǵyndary turǵyn úıler men áleýmettik nysandardy jylýmen qamtý máselelerin sheshýge járdemdesýdi ótindi. Senator S. Ershov Osakarovka aýylyna jumys babyndaǵy sapary barysynda aýdan aktıvimen jáne № 1 orta mekteptiń ustazdar ujymymen kezdesti. Depýtat saılaýshylardy Memleket basshysynyń bastamalaryn iske asyrý jónindegi Úkimet ázirlegen jol kartasynyń mazmuny týraly habardar etti.