Qazaqstan • 02 Sáýir, 2018

Bektas Beknazarov: Halyqty turǵyn úımen qamtamasyz etý áleýmettik turaqtylyqtyń mańyzdy sharty

486 ret

kórsetildi

1 mın

oqý úshin

Halyqty turǵyn úımen qamtamasyz etý áleýmettik turaqtylyqtyń mańyzdy sharty, osyǵan baılanysty Memleket basshysy qurylys salasyn jańǵyrtýǵa jáne turǵyn úı qurylysyn qarjylandyrý jaǵdaıyn jaqsartýǵa basa nazar aýdaryp otyr. Parlament Senaty Tóraǵasynyń orynbasary Bektas Beknazarov Qostanaı oblysyndaǵy qurylys salasyn damytýdyń keleshegin talqylaý barysynda osylaı dedi.

Egemen Qazaqstan

Bektas Beknazarov: Halyqty turǵyn úımen qamtamasyz etý áleýmettik turaqtylyqtyń mańyzdy sharty

Senat Tóraǵasynyń orynbasary Bektas Beknazarov, Senat depýtattary Serik Bekturǵanov jáne Jeńis Nurǵalıev oblys ortalyǵyndaǵy qurylys alańdarda boldy. Senatorlar jańa shaǵyn aýdanda bolyp, «Nurly Jer» baǵdarlamasyn iske asýy barysymen tanysty jáne qurylys mekemeleriniń basshylarymen kezdesýde Prezıdent N.Á. Nazarbaevtyń bes áleýmettik bastamasyn júzege asyrý máselelerin talqylady. Sala ókilderi qurylys kompanııalaryn iri bıznes nysandaryna jatqyzý múmkindigi, sondaı-aq aımaqtaǵy turǵyn úı baǵdarlamasyn iske asyrý josparlary týraly birqatar máselelerdi depýtattardyń aldyna qoıdy.

Aımaqqa sapar aıasynda depýtattar oblystyq sottyń jańa ǵımaratynyń qurylysynda, meshitte jáne kúshtik sport túrleri akademııasynda boldy.

1 sáýirde Senat Tóraǵasynyń orynbasary B. Beknazarov pen senatorlar S. Bekturǵanov jáne J. Nurǵalıev Qostanaı oblysynyń ákimi Arhımed Muhambetovpen kezdesti. Áńgime barysynda aımaqtyń áleýmettik-ekonomıkalyq damýy jáne Prezıdenttiń bes áleýmettik bastamasyn iske asyrý josparlary talqylandy.