Nursultan Nazarbaev Ábdel Fattah As-Sısıdi Mysyr Arab Respýblıkasynyń Prezıdenti laýazymyna qaıta saılanýymen quttyqtady.
«Bul jeńis – Sizdi memlekettiń múddesi men jarqyn bolashaǵyna qyzmet etetin naǵyz patrıot jáne elińizdiń birligi men turaqty damýyn qamtamasyz ete alatyn parasatty ári tájirıbeli saıası kóshbasshy retinde halqyńyzdyń moıyndaýynyń taǵy bir aıqyn dáleli.
Myńdaǵan jyldyq kóne tarıhy bar Mysyr eli keleshekte Sizdiń basshylyǵyńyzben ótpeli kezeńdegi qıynshylyqtardy eńserip, ornyqty damý jolyna túsetinine senimdimin.
Astana men Kaır arasynda ornaǵan dostyq qarym-qatynastar baýyrlas eki halyqtyń bereke-birligi úshin odan ári órkendeı berýine tilektestik bildiremin», – delingen jedelhatta.
