Rasynda da bizdiń elimiz óziniń ekonomıkalyq jetistikteri men saıası turaqtylyq, qoǵamdaǵy ishki kelisimniń ózine ǵana tán modelimen, basqa da jetistikterimen kózge tústi. Al óziniń bilim berýdegi jemisteri men ǵylymı tabystarynan úlgi kórsetetindeı kezeńge keldik dep aıtýǵa áli erte. Biz bilim berý salasyn reformalaýdy tolyq júzege asyryp bolǵan joqpyz. Bul uzaq merzimdi strategııalyq baǵyt. Qazaqstanda bilim berýdegi memlekettik talaptardyń biregeıligi, joǵary bilim berýdiń kóp deńgeıliligi, bilim berýdiń sapasyn arttyrý men ártaraptandyrý, bilim júıesin basqarýdy demokratııalandyrý, memlekettik júıe men jeke sektordyń básekelestigi, aqyly bilim berýdi nesıeleý, taǵy basqa sıpattary negizinen bir jolǵa qoıyldy dep aıtýǵa bolady. Al qazaqstandyq bilim júıesin álemdik bilim keńistigine ıntegrasııalaýda, joǵary bilimdi aqparattandyrýǵa, bilim oshaqtaryn jappaı kompıýterlendirý iske assa da ony oqytýdyń jańa tehnologııalaryn engizýde áli de oryndalmaǵan mindetter bar.
Búginde ekonomıkalyq, áleýmettik, mádenı jáne basqa mańyzdy salalarda álemdik deńgeıde aldyńǵy qatardan kóriný halqynyń ıntellektýaldyq áleýeti joǵary memleketterdiń menshiginde ǵana ekeni «aıdan da anyq» bolyp otyr. Bilimin álemdik deńgeıge jetkizbeı memlekettiń damyǵan elder qatarynan oryn ala almaıtyndyǵy dáleldeýdi qajet etpeıtin shyndyqqa aınaldy.
Kemel keleshektiń ıeleri, búgingi mamandardy daıyndap jatqan oqý oryndaryna júktelip otyrǵan jaýapkershilik júgi mol.
Elbasy Qazaqstan halqyna arnaǵan Joldaýynda «О́ziniń tarıhyn, tilin, mádenıetin biletin, sondaı-aq zamanyna laıyq, shet tilderin meńgergen, ozyq ári jahandyq kózqarasy bar qazaqstandyq bizdiń qoǵamymyzdyń ıdealyna aınalýǵa tıis» degen bolatyn.
Olaı bolsa bul másele – elimizdegi joǵary oqý oryndarynyń álemdik standarttar deńgeıinde bilim berýge baǵyttalǵan, adamı kapıtaldyń sapasyn arttyrý jolyndaǵy memlekettik mindet.
Jastardyń óz mamandyǵyn sheber meńgerýine jaǵdaı jasap, patrıottyqqa, jasampazdyqqa, azamat bolýǵa úıretý – ortaq paryz. Al sapaly bilim berý úshin, birinshiden, stýdenttiń óziniń bilimge degen qulshynysy, ekinshiden, professorlyq-oqytýshylyq quram deńgeıiniń joǵarylyǵy, úshinshiden, oqý-tájirıbelik, ǵylymı zerthanalar zaman talabyna saı jaraqtandyrylyp, sonymen qatar teorııa men kásibı tájirıbe qatar júrýi tıis. Osy tórteý túgel bolsa, kadr tárbıeleýde úlken jetistikterge jeterimiz anyq.
Álemdik naryq júıesinde básekelestikke túse alatyn, túrli, sonyń ishinde tehnıkalyq mamandyqtardy sheber meńgergen menedjerler daıyndaý arqyly, Qazaqstan ulttyq menedjerleriniń ımıdji álemge tanylýy tıis.
Joǵary bilimdi kadrlardy tek qalaǵan mamandyǵy boıynsha oqytyp qana qoımaı, olardyń shet tilderdi, sonyń ishinde aǵylshyn tilinde iskerlik qatynastardy, elimizdiń adam resýrstarynyń sapasyn arttyrýǵa, mamandyǵyn sheber meńgergen jan-jaqty kadr daıyndaýǵa qol jetkizýimiz kerek.
Sembiǵalı ZÁKENOV,
tehnıka ǵylymdarynyń doktory, professor
Mańǵystaý oblysy
