Oǵan Bas prokýratýra, Ádilet mınıstrligi men ózge de múddeli memlekettik organdardyń, halyqaralyq uıymdardyń, azamattyq qoǵam ınstıtýttarynyń ókilderi, quqyq qorǵaýshylar qatysyp óz pikirlerin ortaǵa saldy.
Jıynda baıandama jasaǵan Ishki ister mınıstriniń orynbasary Rashıd Jaqypovtyń aıtýynsha, Qazaqstannyń qylmystyq atqarý júıesindegi reformalardyń nátıjesinde túrmede ustalatyn sottalýshylar sany 25 paıyzǵa qysqarǵan. Bul kórsetkish qalyptasqan jaǵdaıdyń birshama jaqsarǵanyn kórsetedi. О́ıtkeni 2000 jyly túrmede jazasyn óteýshilerdiń esebi boıynsha júrgiziletin álemdik reıtıngte elimiz aldyńǵy úshtikti túıindep, kóńilge selkeý túsirgen. Al búginde Qazaqstan ońtaıly reformalar arqyly atalǵan reıtıng boıynsha jaǵdaıyn túzep, 71-shi orynǵa kóterildi.
Osy oraıda R.Jaqypov elimizdiń Birikken Ulttar Uıymynyń ustanymyna sáıkes azaptaýlar men basqa da qatygez, adamgershilikke jatpaıtyn nemese ar-namysty qorlaıtyn is-áreketterdi azaıtý boıynsha ulttyq zańnamany halyqaralyq normalar men sáıkestendirý baǵytynda aýqymdy jumystardyń atqarylǵanyn erekshe atap ótti.
Onyń sózine qaraǵanda, BUU-nyń konvensııasyna sáıkes, azaptaýlar elimizde aýyr qylmys dep tanylyp, zań sheńberinen attaǵandardy 12 jylǵa bas bostandyǵynan aıyrý jazasy belgilengen. Al quqyq qorǵaý organdarynyń tergeý ǵımarattarynda beınekameramen jabdyqtalǵan 490 «aıqyn bólme» ashylǵan. Azaptaýlardyń aldyn alatyn halyqaralyq standarttarǵa sáıkes Almaty, Qyzylorda, Oral jáne Atyraý qalalaryndaǵy jabyq mekemeler zamanaýı ǵımarattarǵa kóshirilgen. Onyń ústine buǵan deıin jertólelerde ornalasyp kelgen 26 oqshaýlaý orny jabylǵan.
Qoǵamdyq keńes otyrysynda azaptaýlardyń qasireti jaıynda halyqaralyq uıymdardyń ókilderi de ashyla aıtty.
– Bizge ásirese sońǵy jyldary jabyq mekemelerden aryz kóbeıdi. Biraq naqty azaptaýlar boıynsha dáleldenetinderi neken-saıaq, – deıdi Eýropalyq odaqtyń «Qazaqstandaǵy qylmystyq ádil sot júıesin jetildirý» jobasynyń jetekshisi Sáýle Mektepbaeva.
Al Ishki ister mınıstrligi О́zindik qaýipsizdik departamenti basqarma bastyǵynyń orynbasary Ádilqoja Qusaıynovtyń aıtýynsha, tek sońǵy úsh jyldyń ózinde ishki ister salasynyń 59 qyzmetkeri azaptaýlarǵa qatysy bolǵandyǵy úshin bas bostandyqtarynan aıyrylǵan.
Serik ÁBDIBEK,
«Egemen Qazaqstan»
