Qoldanbaly-sándik ónerdi damytý, ult mádenıeti men óneriniń baı murasyn, damý kezeńderin, dástúrin, dúnıetanymyn ónertaný ǵylymymen ushtastyra otyryp, jas urpaqqa tanystyrý, qolóner túrlerin nasıhattap, olardy kúndelikti qoldanysqa engizýge múmkindik jasaýdy maqsat etken baıqaýda qazylar alqasy 256 jumysty baǵalady. Bútin aǵashtan dombyrany oıyp jasaǵan qolóner sheberi Mazen Shákıevtiń eńbegi júldeli birinshi orynǵa laıyq dep tanyldy. Zerger Qaırat Shapabaev pen sýretshi-qolónershi Murat Rahmetov ekinshi oryndy ıelense, sheber Keńes Aıtqalıev, zerger Sherýen Muhtar úshinshi júldeni bólisti.
– Qylqalamnyń qudireti men tylsymynan syr uqtyryp, qalyń jurtshylyqtyń rýhanı ordasyna aınalǵan oblystyq Shaımardan Sarıev atyndaǵy kórkemsýret jáne qoldanbaly-sándik óner mýzeıi qaı kezeńde de talanttardy tanı bilip, olardyń shyǵarmashylyǵyn damytýda eleýli eńbek etip keledi. Mýzeıde elimizge tanymal sýretshiler, qolóner sheberleriniń túrli kórmeleri men baıqaýlary uıymdastyrylady. Bul baıqaý-kórme de óńirdegi talantty sheberlerdiń jumystaryn nasıhattaýdy maqsat etti, – deıdi óner mýzeıiniń basshysy Tólegen Orynbasaruly.
Baqytgúl BABASh,
«Egemen Qazaqstan»
ATYRAÝ
