Mádenıet úıine esimi berilse

Búgin biz osy aýdannyń mádenıeti men ónerine aıryqsha eńbek sińirgen bir azamat jaıynda aıtqymyz keledi. Kúrshim aýdanynyń mádenıet salasyna 20 jylǵa jýyq ýaqyt jetekshilik etken Qabdolla Turarov esimin jerlesteri árkez qurmetpen eske alady. О́nerdi jan-tánimen súıgen azamat aýdandyq má­denıet bólimin basqarǵan jyldary ult­tyq qundylyqtarymyz – kúı, án, bı, aıtys, terme óneri qulashyn keńge jaıdy. Kóptegen talantty jastar­dy tárbıelep, talaptaryn ushtap, olar­dyń úlken sahnaǵa shyǵýyna jaǵdaı jasa­dy. Aýdandaǵy úsh birdeı óner ujy­­my­nyń halyqtyq teatr ataǵyn alaty­ny da, Qaratoǵaı aýylynda 250 oryndyq Mádenıet úıiniń salynatyny da, onyń janynan qazaq orkestriniń qurylatyny da, Kúrshim aýylynda tarıhı-ólketaný mýzeıi men oblystaǵy alǵashqy aqyndar mektebiniń ashylatyny da osy kez. Q.Turarov aýdandyq mádenıet bólimin basqarǵan jyldary Kúr­shim ónerpazdary oblysta únemi aldyń­ǵy saptan kórinip júrdi. Mádenıet oshaq­tarynyń materıaldyq bazasy jaqsaryp, árbir aýylda ja­ńa klýbtar ashyl­dy. Aýdannyń ki­tap­hanasy 10 jyl boıy oblysta bi­rin­shi orynda boldy. Kitap­hanany orta­lyq­tan­dyrý jumysy óńirde tuńǵysh ret Kúrshimde júrgizildi. Aýdandaǵy talaı óner­pazdardyń baspanamen qamtylýyna da kómektesti. Ol kisi Kúrshimdi bylaı qoıyp, Tarbaǵataı, Zaısan, Katon­qa­raǵaı men burynǵy Úlken Naryn aýdandaryn jalyqpaı aralap, sondaǵy aqyn, ánshi, termeshilerdi taýyp, el aldyna shyǵardy. 1986 jyly aýdanda «Terme» atty úgit-nasıhat brı­gadasyn quryp, oǵan birqatar ánshi-jyr­shylardy, termeshiler men bı­shi­ler­di toptastyrdy. О́ńirdiń aýdandaryn aralap, aqyndar aıtysyn ótkizip, úzdik­terin respýblıkalyq aıtystarǵa qatystyrdy. Abash Kákenov, Hasen Zákárııa, Kenjebaı Qaıyrbaev syndy shákirtterin búginde búkil el tanıdy desek, artyq aıtpaǵan bolarmyz. Qabekeń ta­lant­ty jastardy taýyp qana qoıǵan joq, joldama berip, oqýǵa jiberdi. Olar­dyń arasynan keıinnen oblysqa, res­pýb­lıkaǵa tanylǵan Talǵat Kármenov, Jo­mart Ámirenov, Sarybaı Nurǵalıev, Esen Májenov, Sandýǵash Toqtarova, Toıjamal Tasjanova, Qarakóz Bolatova, Zeınur Soltanǵulov, Toqtaýbek Áldıev, Qyzymbek Ábdirahmanov, Serikhan Ahmetov, Qanıpa Ahmetova, Erkin Qydyr­hanov sekildi ánshiler men mýzyka she­berleri shyqty.

Qabdolla Turarov ónerpazdardy demep, qoldaýmen qatar óziniń shyǵar­ma­shylyǵyn shyńdaýǵa da ýaqyt tapty. Áýezdi ánder shyǵardy. Qazaq KSR Mádenıet mınıstrliginiń uıǵarýymen Almatyǵa baryp, áıgili mádenıet qaı­rat­kerleri Qudys Qojamııarov pen Bo­rıs Erzakovıchtiń aldynda óz ónerin kór­setti. Birqatar ánderi «Jastyq shaq áýen­deri» atty respýblıkalyq jınaqqa engi­zildi.

San jylǵy eńbegi eskerýsiz qalǵan joq. Shyǵys Qazaqstan oblysynyń mádenıeti men ónerin damytýdaǵy eleý­li eńbegi joǵary baǵalandy. О́mirden ótken­nen keı­in Kúrshim aýdanynyń Qur­met­ti aza­maty ataǵyna usynylyp, Kúr­shim aýylyndaǵy bir kóshege esimi be­r­ildi.

Sóz sońynda óner qaıratkeri, aqyn-sazg­er Qabdolla Turarov  urpaq ja­dynda máńgi qalýy úshin Kúrshim aýylyndaǵy Mádenıet úıine esimi be­ril­­se degen tilegimizdi jetkizgimiz ke­le­di. Bizdiń bul usynysymyzdy aýdan tur­­ǵyndary da qoldaıtynyna kámil se­nemiz.

Saılaýhan AÝHADIEV,
О́skemen qalalyq aqsaqaldar alqasynyń tóraǵasy,

Jańabaı ÁShIMOV,
oblystyq aqsaqaldar keńesiniń tóraǵasy,

Zámza QYRYQBAEV,
I, II, III dárejeli «Eńbek Dańqy» ordenderiniń ıegeri,

Aman SOLTANǴALIEV,
О́skemen qalasy Jibek matalar shaǵyn aýdany aqsaqaldar alqasynyń tóraǵasy

Hatqa barlyǵy 36 adam qol qoıǵan