Kelisimniń negizgi maqsaty qatysýshy memleketterde aqparattyq qaýipsizdikti qamtamasyz etýge baǵyttalǵan úılestirilgen birlesken
is-sharalardy ótkizý bolyp tabylady.
2013 jylǵy 20 qarashada Sankt-Peterbýrgte jasalǵan Kelisim Táýelsiz Memleketter Dostastyǵyna qatysýshy elder arasyndaǵy aqparatty transshekaralyq berý, aqparattyq júıelerdiń aqparattyq qaýipsizdiginiń qaterlerin taldaý jáne baǵalaý; qatysýshy memleketterdiń aqparattyq qaýipsizdikti qamtamasyz etý salasyndaǵy normatıvtik-quqyqtyq aktilerin jáne normatıvtik-ádistemelik qujattaryn jaqyndastyrý; halyqaralyq standarttarmen úılesimdi aqparattyq qaýipsizdik salasyndaǵy memleketaralyq standarttar ázirleý; aqparattyq júıelerde ornalastyrylǵan aqparatqa ruqsatsyz qol jetkizýge jáne onyń tehnıkalyq arnalar arqyly syrtqa shyǵýyna jol bermeýge baǵyttalǵan kelisilgen is-sharalardy iske asyrý; qorǵalý dárejeleri ártúrli aqparattyq júıelerdiń ózara is-áreketi kezinde qol jetkizý deńgeıi shekteýli aqparattyń jáne aqparattyq tehnologııalardyń qorǵalýyn qamtamasyz etý; aqparattyq qaýipsizdikti qamtamasyz etý salasynda kadrlardy bilikti qaıta daıarlaý jáne olardyń biliktiligin arttyrý jáne basqa bólikterindegi is-qımyldy retteıdi.
Kelisimde kózdelgen barlyq erejeler aqparattyq qaýipsizdikti qamtamasyz etý jónindegi mindetterdi atqarýǵa baǵyttalǵan.
Zań jobasy Palatanyń qaraýyna jiberildi.
Otyrysta depýtattar Tóleýbek Muqashevti Halyqaralyq qatynastar, qorǵanys jáne qaýipsizdik komıtetiniń hatshysy etip saılady. Ol bul laýazymdaǵy din isteri jáne qoǵamdyq kelisim mınıstri bolyp taǵaıyndalǵan Darhan Káletaevty almastyrdy.
