Aımaqtar • 11 Sáýir, 2018

Shyǵys Qazaqstanda 3 aýyldyń tarıhı ataýy qalpyna keltiriledi

480 ret
kórsetildi
1 mın
oqý úshin

Azattyqtyń altyn kúrek jeliniń eskenine 30 jylǵa jýyqtasa da Shyǵys Qazaqstanda onomastıka máselesi áli de kúrdeli qalpynda qalyp otyr. Ásirese Zyrıan, Glýbokoe, Shemonaıha, Borodýlıha aýdandary men Rıdder, О́skemen qalalarynda otarshyldyqtyń ıisi ańqyǵan ataýlardan kóz súrinedi. Desek te tasbaqa ilbińmen bolsa da burynǵy, tarıhı ataýlary qaıtarylyp jatqan aýyldar da joq emes. 

Shyǵys Qazaqstanda 3 aýyldyń tarıhı ataýy qalpyna keltiriledi

Máselen, jaqynda О́skemende ótken oblystyq qoǵamdyq keńes otyrysynda Borodýlıha aýdanynyń eki, Ulan aýdanynyń bir aýylynyń ataýlary aýystyrylatyny jaıynda aıtyldy. Borodýlıhadaǵy     Proletarka aýylyna Aqshı, Voznesenovka aýylyna Qyzyltaı, al Ulan aýdanyndaǵy el aýzynda «17 shaqyrym» atalyp kelgen aýylǵa Saryózek syndy tarıhı ataýlary qaıta berilmek. Sonymen qatar О́skemendegi Karl Marks dańǵyly jýyqta Qazybek bı esimimen atalatyn bolady. Bul ataý bıylǵy 2 naýryzda  respýblıkalyq onomastıkalyq komıssııada bekitilipti.

Azamat QASYM,

«Egemen Qazaqstan»

Shyǵys Qazaqstan oblysy