Keńes barysynda Astana ákimi Á. Isekeshev, Aqmola oblysynyń ákimi M. Myrzalın jáne Soltústik Qazaqstan oblysynyń ákimi Q. Aqsaqalov aǵymdaǵy jyldyń I toqsanynda atqarylǵan jumystar jáne ekonomıka salalaryn damytý, ındýstrııalandyrý, tehnologııalyq jańǵyrtý jáne sıfrlandyrý jumystaryn júrgizý, ınvestısııalar tartý jáne eńbek ónimdiligin qamtamasyz etý máseleleri boıynsha 2018 jylǵa arnalǵan josparlar týraly baıandady.
Elordany damytý turǵysynan týrızm, saýda, jappaı kásipkerlik, ınvestısııalar tartý jáne ónimdi jumyspen qamtý, onyń ishinde eńbek naryǵynyń ınfraqurylymyn jańǵyrtý jáne eńbekke jumyldyrý máselelerine basa nazar aýdaryldy.
Oblystardyń jumystarynyń baǵyttary AО́K-ti, týrızmdi, bilim berý salasyn, densaýlyq saqtaý salasyn, jappaı kásipkerlikti damytý, sondaı-aq ındýstrııalandyrý, ónimdi jumyspen qamtý, qarjylyq turaqtylyq, tehnologııalyq jańartý jáne ekonomıkany sıfrlandyrý salalaryna negizdelgen.
Keńes barysynda máselelerdi talqylaýǵa ulttyq ekonomıka mınıstri T. Súleımenov, qarjy mınıstri B. Sultanov, densaýlyq saqtaý mınıstri E. Birtanov, mádenıet jáne sport mınıstri A. Muhamedıuly, eńbek jáne halyqty áleýmettik qorǵaý mınıstri M. Ábilqasymova, ınvestısııalar jáne damý birinshi vıse-mınıstri R. Sklıar jáne aýyl sharýashylyǵy vıse-mınıstri G. Isaeva qatysty.
