Esterińizge sala keteıik, oblys ákiminiń tapsyrmasy boıynsha avtomobıl joldary jelisin damytý maqsatynda 2018-2020 jyldarǵa arnalǵan «Jol kartasy» ázirlendi.
«Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Elbasynyń bıylǵy Joldaýynda kólik aǵynyn tıimdi basqarýǵa jáne jergilikti mańyzy bar joldardy barynsha damytýdy qamtamasyz etý qajet ekendigin mindettedi. Osyǵan oraı, bıyl Qyzylorda qalasynyń Syrdarııa ózeniniń sol jaǵalaý alqabyn ıgerý maqsatynda kóshe-joldary jelisin ornalastyrý úshin oblystyq bıýdjetten bólingen 370,5 mln teńgege 2 joba boıynsha ótken jyly bastalǵan eki magıstraldy kóshe qurylysyn salý jobasy jalǵasady. Shirkeıli kanalyna kópir salýǵa qajetti qosymsha 706 mln teńge el qazynasynan bólinip, bıyl qurylys jumystaryn bastaý josparlanýda. Sonymen qatar, Qazaly aýdanynyń «Álseıit» ýchaskesinde Syrdarııa ózenine kópir salý jumystary jalǵastyrylady», - dep habarlady Erjan Ábdihalyqov.
Sondaı-aq, oblysta basqa da jol ınfraqurylymyn damytý boıynsha jumystar júrgizilmek. Nátıjesinde, oblystyq jáne aýdandyq mańyzy bar avtomobıl joldarynyń jaqsy jáne qanaǵattanarlyq ındıkatorlyq kórsetkishin 63,5 paıyz jetkizý qamtamasyz etiledi.
