Murat Habdyljapparuly 1963 jyly naýryzdyń 21-inde burynǵy Semeı oblysy, Borodýlıha aýdany, Borodýlıha aýylyndy dúnıege keldi. 1991 jyly Semeı memlekettik medısına ınstıtýtyn, 1996 jyly QR Prezıdenti janyndaǵy Memlekettik basqarý ulttyq joǵary mektebin bitirgen. 2005 jyly Astrahan memlekettik tehnıkalyq ýnıversıtetin támamdady. Ekonomıka ǵylymdarynyń doktory.
Eńbek jolyn 1980 jyly Semeıde «Promstoı» QB «Ásem» komsomol - jastar brıgadasynda baltashy – betonshy, sodan keıin birneshe jyl «Asyl-Invest» IJQ meńgerýshi, Almaty qalasynda Strategııalyq josparlaý agenttiginiń basqarmanyń bas mamany, bólim basshysy jáne basshysy qyzmetterin atqardy. 2002 jyly Astanada QR Prezıdenti Ákimshiliginiń uıymdastyrý-baqylaý bóliminiń memlekettik ınspektory, 2007 jyly Qaraǵandy oblysy ákiminiń orynbasary, 2013 jyldan bastap QR Premer-Mınıstriniń keńesshisi bolyp qyzmet etti. Keıin Astana qalasyndaǵy «Eýrazııa» ǵylymı ortalyǵyn basqardy. Al 2017 jyldyń mamyrynan ShQO jolaýshy kóligi jáne avtomobıl joldary basqarmasynyń basshysy laýazymynda boldy.
«Murat Habdyljapparuly tájirıbesi mol, uıymdastyrýshylyq qabileti joǵary maman. Eńbek jolynda ózin tártipti jáne bilikti qyzmetker retinde kórsetti. Bul qyzmetinde tabystar tileımiz» – dedi jańa basshyny tanystyrǵan Danıal Ahmetov.
Azamat QASYM,
«Egemen Qazaqstan»
