Mundaıda jany jomart jandar tasada qalmaıdy. Olar qala ákimdiginiń kómekke shaqyrǵan usynysyn qabyl alyp, 50 mln teńgege jýyq qarjy shyǵaryp, qaladaǵy turǵyn úılerge kúrdeli jóndeý ótkizdi. Endi jaldyq páterde turyp jatqan 50 otbasy turǵyn úı kezegi kelgenshe osynda turady.
Árıne, turǵyn úı taýqymeti ońaı emes. Buryn jaılasyp qalǵan jerinen kóshirilgen turǵyndarǵa dári-dármek, azyq-túlik jáne turmysqa qajetti zattar kerek.
Qaıyrymdy azamattar bul ıgi iske óz kómegin kórsetti.
Qala ákimi N.Nálibaev apparat májilisinde tótenshe jaǵdaı kezinde kómek kórsetken, demeýshi bolǵan qurylys kompanııalarynyń basshylary men kásipkerlerge Qurmet gramotasy men Alǵys hat tabys etti.
Qınalǵan aǵaıynǵa qol sozyp, daǵdarystan shyǵarǵan, alańsyz ómir súrýine jaǵdaı jasaǵan qamqor jandar osylaısha alǵys alyp júr.
Baqtııar TAIJAN,
«Egemen Qazaqstan»
Qyzylorda oblysy
