Kórme GAJ tehnologııalary jáne AО́K sıfrlandyrý, akvamádenıet, veterınarııa, aýylsharýashylyq bıotehnologııasy, ósimdik sharýashylyǵy, aýyl sharýashylyǵy tehnıkasy baǵyttary boıynsha ótkizildi. Sondaı-aq «Elektrondyq medısınalyq jazbalar», «QTQ suryptaý júıesi», «Kómek», «Vkýsnıashka» áleýmettik jobalarynyń tusaýy kesildi. Kórmege qoıylyp otyrǵan kez kelgen jobany alyp óndirisek engizýge bolady. Sebebi olar bir emes birneshe jyl boıyna ǵalymdardyń baqylaýymen júıeli túrde júzege asyrylǵan jobalar. Kórme uıymdastyrý týraly bastama jastardyń ózderiniń usynysy .
Kórmege usynylǵan jabalardyń barlyǵy sandyq úlgide, sandyq júıemen jabdyqtalǵan. Atap aıtqanda bilim ordasynyń Geoaqparattyq tehnologııalar ortalyǵy ázirlegen arnaıy joba búgingi tańda tolyqtaı jumys jasap jatyr. Sebebi dál osy úlgide jasaqtalǵan baǵdarlamalar negizinde stýdentter Aqmola oblysy boıynsha egistik alqaptardy túgeldeı sandyq úlgige ótkizip jatyr. Kelesi kezekte sandyq júıege ótken egis alqaptaryn ǵalamtor arqyly baqylap otyrýǵa tolyq múmkindik bar degen sóz. Jas ǵalymdar men stýdentter óz jobalary men tehnologııalyq platformalardyń ónimderin, sondaı-aq jabyq sýmen jabdyqtaý qondyrǵylarynda balyqty ósirý: qondyrǵyny ornatýdan bastap alǵashqy ónimdi alý joly jaıynda tolyqtaı baıandap berdi.
Sharanyń kelesi bólimi dál osy taqytyptaǵy jas ǵalymdar forýmymen jalǵasty. Is-sharaǵa Tárbıe jumysy jónindegi departament dırektory I.I.Kýlnazarov, QR Din isteri jáne azamattyq qoǵam mınıstrliginiń Jastar saıasaty departamentiniń dırektory A.R.Oralov, Astana qalasynyń Qoǵamdyq damý isteri basqarmasynyń Jastarmen jumys bóliminiń basshysy B.J.Júnisbekov, Astana qalalyq «Jas Otan» jastar qanatynyń atqarýshy hatshysy L.Jumasheva jáne jas ǵalymdar, elordalyq joǵary oqý oryndarynyń oqytýshylary men stýdentteri qatysty.
Tárbıe jumysy jónindegi departament dırektory I.I.Kýlnazarov óz sózinde Elbasy joldaýynda aıtylǵan AО́K-in damytýda jańa tehnologııalardy qoldaný jáne tabysty sıfrlandyrý úshin keshendi aqparattyq-tehnologııalyq platformalardy qurý qajettiligin atap ótti. Sonymen birge, bilim ordasynyń dál osy baǵytta jumys jasaı bastaǵandyǵyna toqtaldy.
Ýnıversıtet aýmaǵynda et, sút, astyq jáne maıly daqyldardy, sondaı-aq jylyjaılardy, robototehnıkalyq zerthanalardy jáne GAJ tehnologııalaryn óńdeýge arnalǵan zamanaýı jabdyqtarmen jabdyqtalǵan tórt tehnologııalyq alań iske qosylǵan. Olardyń barlyǵy sheteldik seriktesterdiń usynysy boıynsha sheteldik ýnıversıtetterdiń oqý bazasy negizinde quryldy. Zerthanalar tek stýdenttermen praktıkalyq sabaqtar ótkizýge ǵana emes, sondaı-aq ǵalymdardyń ǵylymı jumystaryn jetildirýge arnalǵan.
Shara barysynda jas ǵalymdar qazaq, orys jáne aǵylshyn tilderinde baıandamalar jasady. Dýlat Ibraev PhD doktory, assıstent jastardyń aýylsharýashylyǵy salasyndaǵy ǵylymı jetistikterge jetý múmkindikteri jaıly aıtyp berdi. «Kadastr» Anara Smagýlova sıfrlandyrýdyń ınfraqurylymdyq tásili týraly áńgimeledi. Sondaı-aq aqyldy tehnologııalar keńinen qoldanylýy, G2G, G2B, G2C jáne B2B qyzmetteriniń barlyq deńgeılerindegi ekonomıkalyq tıimdiligi sıfrlandyrý sharalarynyń zamanaýı talaptaryna tolyǵymen sáıkes keletinin atap ótti.
Aıdar Alımbaev RET kafedrasynyń magıstri, assıstent jylyjaı mıkroklımatynyń basqarý júıesi týraly baıandady. Forým sońynda Elordanyń 20 jyldyǵyna oraı «Astana – jańa bastamalar serpini» Respýblıkalyq joǵary oqý oryndary jas ǵalymdar forýmynyń qarary qabyldandy. Qarar elin súıetin, onyń tarıhyn dáripteıtin táýelsiz elimizdiń patrıot jastaryn memleketimizdiń berik tutqasy bolýǵa shaqyrady.
