Sýrette «Serpin» jármeńkesinen kórinis
Kózdiń jaýyn alyp, kórgen jandy taǵaldyrǵan dúnıeler Aqtóbe qalasyndaǵy qylmystyq atqarý júıesi mekemesinde ázirlengen. «Serpin» jármeńkesine kelgender úı men turmysqa qajetti kıim-keshekterdi, esikter men besikterdi, kádesyılar men qobdıshalardy, qazaqsha ázirlengen et salyp usynatyn astaýlardy, tipti nar men shahmat taqtalaryna deıin attaı qalap satyp alyp jatty.
Sheberdiń qoly ortaq demeı me dana halqymyz. Osy oraıda «Eńbek» RMK-ge qarasty «Eńbek-Aqtóbe» fılıalynda jumys istep júrgenderdiń qoly qala turǵyndarynyń bir kádesi men paıdasyna jarap jatsa, buǵan tek qol soǵý kerek shyǵar. Ekinshi bir oı turǵysynan qarastyrǵanda bul kórinistiń ózi eńbekpen túzeý mekemesiniń jazasyn ótep júrgenderdi eńbekke tarta bilýiniń oń mysaly. Sondaı-aq respýblıka óńirlerindegi «Eńbek-Aqtóbe» sıpatyndaǵy qurylymdar Úkimetke qomaqty salyq kólemin tólep otyrǵanyn aıta ketken jón. Buǵan óńirdegi eńbekpen túzeý mekemeleriniń janynda eki kolledj bar ekenin qosa aıtqan oryndy. Munda 150-den astam sottalǵandar jumysshy mamandyǵy boıynsha bilim alyp júr eken.
Temir Qusaıyn,
«Egemen Qazaqstan»
Aqtóbe
