Mundaı jaǵymdy jańalyqty oblystyq qoǵamdyq keńestiń kezekti otyrysynda oblystyq tilderdi damytý jónindegi basqarma basshysynyń mindetin atqarýshy Roza Tólemisova jetkizdi. Onyń aıtýynsha, О́skemendegi Melzavod turǵyn úıi mańyndaǵy №1 kóshe – Aqtoǵan, Menovnoe aýylyna aınalma avtokólik joly mańyndaǵy №1 kóshe – Kerýen, №2 kóshe – Shuǵyla, №3 kóshe – Saıaly, №4 kóshe – Aqnıet, №5 kóshe – Yntymaq, №6 kóshe – Kókjıek, Vysokovoltnaıa 57 kóshesi mańyndaǵy №1 kóshe – Ormandy, №2 kóshe – Shıeli, №3 kóshe – Shýaqty, №4 kóshe – Keremet, №5 kóshe – Raýan, №6 kóshe – Aqbulaq, A.Kúlenov atyndaǵy 16 turǵyn aýdandaǵy №1 kóshe – Jotaly, Bastaý kóshesi mańyndaǵy №1 kóshe – Qaınar, 19 jáne 20 turǵyn aýdandar arasyndaǵy №1 dańǵyl – Beıbitshilik dańǵyly, 23 turǵyn aýdandaǵy №1 kóshe – Bostandyq, Ahmer aýylyndaǵy №1 kóshe – Jańajol, №2 kóshe – Kúnbatys, №3 kóshe О́rnek degen ataýlarǵa ıe bolmaq. Al oblys ortalyǵynyń 19 turǵyn aýdanyndaǵy Karl Marks dańǵyly Qazybek bı dańǵyly bolyp qaıta atalmaq.
«О́skemen qalasynyń ákimdigine dańǵylǵa Qazybek bıdiń esimin berý týraly usynys oblystyq sottyń tóraǵasynan, qalalyq ardagerler jáne aqsaqaldar keńesterinen túsken bolatyn. Dańǵyldyń boıynda ornalasqan 41 kópqabatty turǵyn úıde bes myńǵa jýyq halyq turady. Saýda oryndary, áleýmettik mekemeler ornalasqan, qoǵamdyq kólikter jıi qatynaıdy.
Atalǵan aýmaqta turatyn turǵyndar da bul usynysqa úlken qoldaý bildirdi. Qalalyq máslıhat depýtattary tarapynan da biraýyzdan qoldaý tapty. Bul Orta júzden shyqqan áıgili bı, sheshen, qoǵam qaıratkeri, elshi, Táýke hannyń keńesshisi bolǵan Qazybek bıdiń 350 jyldyǵyna tamasha tartý bolyp otyr», - deıdi Roza Tólemisova.
Azamat QASYM,
«Egemen Qazaqstan»
О́SKEMEN
