Qazirgi tańda arnaıy ekonomıkalyq aımaq aýmaǵynda 15 qatysýshy tirkelgen. 1 sáýirdegi jaǵdaı boıynsha ınvestısııalardyń jalpy kólemi 339 mlrd teńgeni, onyń ishinde jeke ınvestısııalar — 269,8 mlrd teńgeni qurady. 1 300 astam jumys orny ashylǵan.
Baqytjan Saǵyntaev Údemeli ındýstrııalyq-ınnovasııalyq damý memlekettik baǵdarlamasy aıasynda júzege asyrylǵan Polymer Production zaýytyn tekserý barysynda zaýyttyń jylyna shamamen 15 myń tonna polıpropılen jabynyn shyǵarýǵa múmkindik beretin tehnologııasymen tanysty. О́ndiriste 371 adam jumys isteıdi. О́tken jyly 2,2 mlrd teńgege ónim satyldy.
«Polımer Prodakshn» JShS basqarma tóraǵasy Azamat Júsipovtyń aıtýynsha, búgingi tańda zaýyt polıetılen jabynyn, bıaksıaldy–baǵyttalǵan polıpropılen jabynyn, ártúrli qaptama túrlerin, sondaı-aq syıymdylyǵy 25 jáne 50 kg bolatyn polıpropılendi qaptar shyǵarady. Jeńil jáne azyq-túlik ónerkásibinde qoldanylatyn zaýyt ónimderi Qazaqstannyń barlyq óńirlerine jáne Reseıge, Qyrǵyzstanǵa, О́zbekstanǵa eksporttalady. Bul aımaqtyń áleýmettik-ekonomıkalyq damýyna kúshti mýltıplıkatıvti áser berip, ımportty almastyrýǵa yqpal etedi.
«Nurly jol» ınfraqurylymdy damytý memlekettik baǵdarlamasy aıasynda salynyp jatqan gaz týrbınaly elektr stansasyn aralaý barysynda «Birikken hımııalyq kompanııa» JShS basqarma tóraǵasy Jeńis О́serbaı joba AEA aýmaǵyndaǵy iri ınvestısııalyq jobalardy 110 Kvt elektr qýatymen jáne joǵary qysymdy býmen qamtamasyz etýge múmkindik beretinin málimdedi. Jobany iske asyrý merzimi — 2014–2018 jyldar, onyń quny — 111 mlrd teńge. Zaýyt qýattylyǵy — 310 MVt, jumys oryndarynyń sany — 120.
