Astana ákimdiginiń málimeti boıynsha senbilikke 100 myńnan astam adamdy qatystyrý josparlanǵan, 1000 astam mekeme men kásiporyn, 49 joǵary jáne orta arnaýly oqý orny, 184 mektepke deıingi jáne jalpy bilim beretin mekeme, 73 densaýlyq saqtaý mekemesi, 152 memlekettik mekeme, vedomstva men ulttyq kompanııalar. Sonymen birge, 560 tehnıka tartylatyn bolady. Qatysýshylar kúrek, tyrma, qolǵap, qoqys salatyn qapshyq sııaqty quraldarmen qamtamasyz etiledi.
Sonymen qatar Astana ákimdigi «ESO Astana aılyǵy» jobasyn iske qosty, onda 4 baǵyt bar: «Biz dostyń pen taza aýla úshin!», «ESO university», «ECO college» jáne «ECO school». Joba – qala ekologııasyn jaqsartýǵa jáne óskeleń urpaqtyń azamattyq belsendi pozısııasy men ekologııalyq mádenıetin qalyptastyrýǵa shaqyrady.
Budan basqa, sanıtarlyq tazalaý boıynsha «Bólek jınaý» is-sharasyn ótkizý josparlanýda, ıaǵnı Esil, Aqbulaq jáne Sarybulaq ózenderiniń jaǵalaýyn turmystyq jáne óndiristik qaldyq zattardan tazalaý kiredi, oǵan L. Gýmılev atyndaǵy Eýrazııa ulttyq ýnıversıteti men S. Seıfýllın atyndaǵy Qazaq agrotehnıkalyq ýnıversıtetiniń stýdentterin, eriktiler men áskerı bólimniń áskerı qyzmetshilerin tartý arqyly jasalady.
Qala ákimdigi abattandyrý, sanıtarlyq tazalaý erejesine sáıkes, Astana qalasy aýmaǵynyń tazalyǵyn qamtamasyz etý jáne tazalaýdy uıymdastyrýdy, jeke kásipkerlik nysandarynyń ıesi men qalalyq jáne respýblıkalyq qurylym bólimshelerinde isteıtin jumysshylar perımetr boıynsha ǵımarattyń aınalasyn 5 metr qashyqtyqqa deıin tazartýy qajettigin eske salady.
Qazirgi tańda barlyq jekemenshik kásipkerlik jáne memlekettiń qaramaǵyndaǵy nysandardy tekserip jatyr. Abattandyrý erejesin saqtamaǵan jaǵdaıda Ákimshilik quqyq buzýshylyq týraly Kodekstiń 505-babyna sáıkes «qalalar men eldi mekenderdiń aýmaqtaryn abattandyrý qaǵıdalaryn buzý, sondaı-aq qalalar men eldi mekender ınfraqurylymy obektilerin buzý, jasyl ekpelerin joıý jáne búldirý» boıynsha aıyppul salynady. Qaladaǵy barlyq qurylys nysandaryn 29 naýryzda tekserý barysynda 44 nysannyń qurylys-montaj jumystary toqtatyldy, ákimshilik jaýapqa jyl basynan beri qurylys alańdarynda sanıtarlyq talapty saqtamaǵany úshin 87 qurylys kompanııasy jaýapqa tartyldy.
Astana ákimdigi qoǵamnyń nazaryn qala kósheleriniń tazalyǵyn saqtaýǵa jáne ekologılyq mádenıettiń qalyptasýyna óz úlesińizdi qosýǵa shaqyrady.
