Zań jobasy Qazaqstan Respýblıkasy Prezıdentiniń «Jer zańnamasynyń keıbir normalaryn qoldanýǵa moratorıı engizý týraly» 2016 jylǵy 6 mamyrdaǵy № 248 Jarlyǵyna sáıkes qurylǵan Jer reformasy jónindegi komıssııanyń usynystaryn iske asyrýǵa baǵyttalǵan.
Aýyl sharýashylyǵy maqsatyndaǵy jerdi satýǵa, sondaı-aq ony sheteldikterge berýge tyıym salý «Qazaqstan Respýblıkasy Jer kodeksiniń jekelegen normalarynyń qoldanysyn jáne «Qazaqstan Respýblıkasynyń Jer kodeksine ózgerister men tolyqtyrýlar engizý týraly» 2015 jylǵy
2 qarashadaǵy Qazaqstan Respýblıkasy Zańynyń qoldanysqa engizilýin toqtata turý týraly» 2016 jylǵy 30 maýsymdaǵy Qazaqstan Respýblıkasynyń zańymen belgilengenin atap ótý kerek.
Zań jobasymen 2003 jylǵy 20 maýsymdaǵy Qazaqstan Respýblıkasynyń Jer kodeksine, Ákimshilik quqyq buzýshylyq týraly kodeksine jáne birqatar zańdarǵa ózgerister men tolyqtyrýlar engizýdi kózdelip otyr.
Jobanyń negizgi erejeleri memleket muqtajyna jatqyzý arqyly azamattardy jeke aýladaǵy janýarlardy jaıý úshin jaıylymdyq alqaptarmen, jeke turǵyn úı qurylysy úshin jer ýchaskelerimen qamtamasyz etýge; jer ýchaskesin berý kezinde jarııalylyqty qamtamasyz etýge; Qazaqstan Respýblıkasynyń azamattaryna jáne Qazaqstan Respýblıkasynyń zańdy tulǵalaryna jaldaý shartymen beriletin aýyl sharýashylyǵy maqsatyndaǵy jerdiń aýdanyn shekteýge; aýyl sharýashylyǵy maqsatyndaǵy jerdiń paıdalanylýy men qorǵalýyn baqylaýdy kúsheıtýge; sheteldikterge, azamattyǵy joq adamdarǵa, sheteldiktermen nekede turǵan Qazaqstan Respýblıkasynyń azamattaryna shekara mańy aýmaqtarynan jer berý boıynsha qosymsha shekteýler engizýge baǵyttalǵan.
Zań jobasy Palatanyń qaraýyna jiberildi.
