«Zııatkerlik ken orny» jobasy nemese «Sıfrlyq ken orny» — munaı-gaz salasynyń mańyzdy baǵyttarynyń biri jáne «Sıfrlyq Qazaqstan» memlekettik baǵdarlamasynyń is-sharalar tizimine qosylǵan. Bul munaı-gaz salasyn basqarýdyń avtomattandyrylǵan júıesi, ol jekelegen júıelerdi biryńǵaı ıntegrasııalanǵan aqparattyq júıege biriktirý arqyly maksımaldy tıimdilikke qol jetkizýge múmkindik beredi.
«Embimunaıgaz» AQ basqarma tóraǵasy Á. Jaqsybekov «Ýaz» ken orny bazasynda 2016 jyly «Sıfrlyq ken orny» pılottyq jobasy iske qosylyp, óz tıimdiligin dáleldegenin atap ótti. Jobany engizý elektr qýatyn tutynýdy 33%-ke qysqartýǵa, uńǵymalardy jóndeýdiń úlesti shyǵyndaryn 25%-ke azaıtýǵa múmkindik berdi.
«Embimunaıgaz» AQ ázirlegen ádistemelerge sáıkes kelesi kórsetkishterdiń óńdeý jáne taldaý algorıtmderi avtomattandyryldy: suıyqtyq jáne munaı teńgerimi; munaıdyń joǵalýy; uńǵymalardyń jumys rejımderin ońtaılandyrý jáne t.b.
2017 jyly joba «Jylyoımunaıgaz» MGО́B Prorva ken oryndaryn ıgerý tobynyń ken oryndaryna taratyldy.
Baqytjan Saǵyntaevqa «Sıfrlyq ken orny» jobasynyń josparlary týraly baıandaldy. 2018 jyly tujyrymdama «Jaıyqmunaıgaz» MGО́B «Jańatalap» ken ornynda júzege asyrylatyn bolady. 2019–2020 jyldary «QazMunaıGaz» ulttyq kompanııasynyń basqa ken oryndaryna engizý josparlanyp otyr. Jalpy alǵanda, jobany iske asyrý munaı óndirý kóleminiń 3%-ke deıin ósýine, munaı óndirý (ekonomıkalyq) koeffısıentin 2–5%-ke arttyrýǵa jáne shyǵyndardy 5–15%-ke azaıtýǵa múmkindik beredi.
